فوتو: اشىق دەرەككٶز
اقش پرەزيدەنتٸ دونالد ترامپ جٷكتٸ ەيەلدەردٸڭ پاراتسەتامول (تايلەنول, اتسەتامينوفەن) قولدانۋى بالالاردا اۋتيزم قاۋپٸن ارتتىرۋى مٷمكٸن دەپ مەلٸمدەدٸ.
ول اق ٷيدە سٶيلەگەن سٶزٸندە ەلدٸڭ مەديتسينا بيلٸگٸ ەيەلدەرگە بۇل پرەپاراتتى قولدانۋدى شەكتەۋدٸ ۇسىنىپ وتىرعانىن جەتكٸزدٸ. ترامپتىڭ سٶزٸن C-Span تەلەارناسى جارييالادى.
الايدا عالىمدار مەن دەرٸگەرلەر پرەزيدەنتتٸڭ مەلٸمدەمەسٸن سىنعا الدى. ولار پاراتسەتامول مەن اۋتيزم اراسىنداعى بايلانىستى دەلەلدەيتٸن عىلىمي دەرەكتەردٸڭ جوق ەكەنٸن ايتىپ, بۇل پٸكٸردٸڭ نەگٸزسٸز ەكەنٸن اتاپ ٶتتٸ.
سونىمەن قاتار, ترامپ جاڭا تۋعان نەرەستەلەرگە ۆ گەپاتيتٸنە قارسى ۆاكتسينا سالۋدىڭ قاجەتٸ جوق ەكەنٸن دە العا تارتتى. ونىڭ ايتۋىنشا, ەكپە تەك 12 جاستان كەيٸن عانا زييانسىز بولۋى مٷمكٸن. ال مەديتسينا سالاسىنىڭ ماماندارى مۇنداي پٸكٸرمەن كەلٸسپەيدٸ. ولار باۋىردىڭ قاۋٸپتٸ اۋرۋلارىنىڭ الدىن الۋدىڭ ەڭ تيٸمدٸ جولى – نەرەستەگە تۋعان سەتتەن باستاپ ەكپە جاساۋ ەكەنٸن ەسكە سالدى.
