Aýstraliialyq ǵalymdar elde beleń alǵan orman órtine qatysty dabyl qaǵyp jatyr. Sidnei ýniversiteti júrgizgen zertteý nátijesinde órt saldarynan jarty milliardqa jýyq Aýstraliia faýna ókilderi mert bolǵany anyqtalǵan, dep habarlaidy Bloomberg.
Zertteý málimetteri boiynsha 480 millionǵa jýyq sútqorekti qustar men baýyrymen jorǵalaýshylar órt saldarynan tabiǵi ómir súrý ortasyn joǵaltyp, mert bolǵan.
Aýstraliianyń qorshaǵan ortany qorǵaý ministrligi Jańa Ońtústik Ýels shtaty órtten koala popýliatsiiasynyń 30% joiylǵanyn málimdedi. Eń qorqynyshtysy, janýarlar arasyndaǵy ólim sany artýy múmkin, sebebi, órtti toqtatý múmkin bolmai otyr. Qyzyl jalyn 12 million akr ormandy (5 million gektarǵa jýyq), Ýels shtatynyń kóleminen eki ese úlken aýmaqty sharpyǵan.
Birneshe ai buryn bastalǵan orman órti 20 adamnyń ómirin qiyp, myń jarymǵa jýyq úi órtengen.
Birneshe saǵat buryn ǵana Viktoriia shtatynyń ońtústik-shyǵysynda tótenshe jaǵdai jariialandy.
BBC News aqparaty boiynsha, órtten qajyǵan aýstraliialyqtar eldiń premer-ministri Skott Morrisonǵa syn aitýda. Olardyń pikirinshe, premer-ministr men onyń úkimeti qiyn jaǵdaidan shyǵý úshin tiisti is-áreketti jasap jatqan joq.
