اۋسترالييالىق عالىمدار ەلدە بەلەڭ العان ورمان ٶرتٸنە قاتىستى دابىل قاعىپ جاتىر. سيدنەي ۋنيۆەرسيتەتٸ جٷرگٸزگەن زەرتتەۋ نەتيجەسٸندە ٶرت سالدارىنان جارتى ميللياردقا جۋىق اۋسترالييا فاۋنا ٶكٸلدەرٸ مەرت بولعانى انىقتالعان, دەپ حابارلايدى Bloomberg.
زەرتتەۋ مەلٸمەتتەرٸ بويىنشا 480 ميلليونعا جۋىق سٷتقورەكتٸ قۇستار مەن باۋىرىمەن جورعالاۋشىلار ٶرت سالدارىنان تابيعي ٶمٸر سٷرۋ ورتاسىن جوعالتىپ, مەرت بولعان.
اۋسترالييانىڭ قورشاعان ورتانى قورعاۋ مينيسترلٸگٸ جاڭا وڭتٷستٸك ۋەلس شتاتى ٶرتتەن كوالا پوپۋلياتسيياسىنىڭ 30% جويىلعانىن مەلٸمدەدٸ. ەڭ قورقىنىشتىسى, جانۋارلار اراسىنداعى ٶلٸم سانى ارتۋى مٷمكٸن, سەبەبٸ, ٶرتتٸ توقتاتۋ مٷمكٸن بولماي وتىر. قىزىل جالىن 12 ميلليون اكر ورماندى (5 ميلليون گەكتارعا جۋىق), ۋەلس شتاتىنىڭ كٶلەمٸنەن ەكٸ ەسە ٷلكەن اۋماقتى شارپىعان.
بٸرنەشە اي بۇرىن باستالعان ورمان ٶرتٸ 20 ادامنىڭ ٶمٸرٸن قيىپ, مىڭ جارىمعا جۋىق ٷي ٶرتەنگەن.
بٸرنەشە ساعات بۇرىن عانا ۆيكتورييا شتاتىنىڭ وڭتٷستٸك-شىعىسىندا تٶتەنشە جاعداي جارييالاندى.
BBC News اقپاراتى بويىنشا, ٶرتتەن قاجىعان اۋسترالييالىقتار ەلدٸڭ پرەمەر-مينيسترٸ سكوتت مورريسونعا سىن ايتۋدا. ولاردىڭ پٸكٸرٸنشە, پرەمەر-مينيستر مەن ونىڭ ٷكٸمەتٸ قيىن جاعدايدان شىعۋ ٷشٸن تيٸستٸ ٸس-ەرەكەتتٸ جاساپ جاتقان جوق.
