Qazaqstandyq Iýliia Pýtintseva Aýstraliia ashyq chempionatynyń tórtinshi ainalymyna shyǵa almady, dep habarlaidy "Ult aqparat".
Dúniejúzilik reitingte 28-orynda turǵan Iu.Pýtintseva úshinshi ainalymda álemniń 5-raketkasy, ýkrainalyq Elina Svitolinamen oinady.
Qarsylastardyń osyǵan deiin jeti márte joldary toqailassa, sonyń alǵashqy ekeýinde qazaqstandyq, sońǵy beseýinde ýkrainalyq tennisshi qatarynan jeńiske jetken.
Bul joly birinshi partiia barysynda Iu.Pýtintseva eki ret breik jasap, alǵa shyqqanymen, E.Svitolina tarazy basyn teńestirip otyrdy. Aqyry Elina esep 5:4 bolǵanda, taǵy bir breik jasap ketti – 6:4.
Ekinshi sette ýkrainalyq tennisshi breikpen alǵa ketti – 2:0. Aqyry ol matchty 6:0 esebimen bitirdi.
Báseke 1 saǵat 23 minýtqa sozyldy.
E.Svitolina shirek finalǵa shyǵý úshin álemniń 52-raketkasy, franitsiialyq Kristina Mladenovich nemese reitingte 61-satydaǵy amerikalyq Djessika Pegýlanyń bireýimen sheberlik baiqasady.
