قازاقستاندىق يۋلييا پۋتينتسەۆا اۋسترالييا اشىق چەمپيوناتىنىڭ تٶرتٸنشٸ اينالىمىنا شىعا المادى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 28-ورىندا تۇرعان يۋ.پۋتينتسەۆا ٷشٸنشٸ اينالىمدا ەلەمنٸڭ 5-راكەتكاسى, ۋكراينالىق ەلينا سۆيتولينامەن وينادى.
قارسىلاستاردىڭ وسىعان دەيٸن جەتٸ مەرتە جولدارى توقايلاسسا, سونىڭ العاشقى ەكەۋٸندە قازاقستاندىق, سوڭعى بەسەۋٸندە ۋكراينالىق تەننيسشٸ قاتارىنان جەڭٸسكە جەتكەن.
بۇل جولى بٸرٸنشٸ پارتييا بارىسىندا يۋ.پۋتينتسەۆا ەكٸ رەت برەيك جاساپ, العا شىققانىمەن, ە.سۆيتولينا تارازى باسىن تەڭەستٸرٸپ وتىردى. اقىرى ەلينا ەسەپ 5:4 بولعاندا, تاعى بٸر برەيك جاساپ كەتتٸ – 6:4.
ەكٸنشٸ سەتتە ۋكراينالىق تەننيسشٸ برەيكپەن العا كەتتٸ – 2:0. اقىرى ول ماتچتى 6:0 ەسەبٸمەن بٸتٸردٸ.
بەسەكە 1 ساعات 23 مينۋتقا سوزىلدى.
ە.سۆيتولينا شيرەك فينالعا شىعۋ ٷشٸن ەلەمنٸڭ 52-راكەتكاسى, فرانيتسييالىق كريستينا ملادەنوۆيچ نەمەسە رەيتينگتە 61-ساتىداعى امەريكالىق دجەسسيكا پەگۋلانىڭ بٸرەۋٸمەن شەبەرلٸك بايقاسادى.
