Qazaqstandyq Mihail Kýkýshkin Aýstraliia ashyq chempionatynyń ekinshi ainalymyna óte almady, dep habarlaidy «Ult aqparat».
Dúniejúzilik reitingte 90-orynda turǵan qazaqstandyq tennisshi birinshi ainalymda álemniń 3-raketkasy, ótken jylǵy US Open týrniriniń jeńimpazy, aýstriialyq Dominik Timmen kezdesti. Tartysty órbigen birinshi partiia tai-breikke deiin jetip, onda D.Tim basymdylyq kórsetti – 7:6 (7:2).
Aýstriialyq tennisshi ekinshi sette de esesin jibermedi – 6:2. Úshinshi partiiada matchty taǵy bir breikpen túiindedi – 6:3. Báseke 2 saǵat 40 minýtqa sozyldy. D.Tim ekinshi ainalymda germaniialyq Dominik Kiopfer nemese boliviialyq Ýgo Delenniń bireýimen sheberlik baiqasady.
Eske sala keteiik, budan buryn Zarina Diiastyń Aýstraliia ashyq chempionatyn jeńispen bastaǵanyn jazǵan bolatynbyz.
