قازاقستاندىق ميحايل كۋكۋشكين اۋسترالييا اشىق چەمپيوناتىنىڭ ەكٸنشٸ اينالىمىنا ٶتە المادى, دەپ حابارلايدى «ۇلت اقپارات».
دٷنيەجٷزٸلٸك رەيتينگتە 90-ورىندا تۇرعان قازاقستاندىق تەننيسشٸ بٸرٸنشٸ اينالىمدا ەلەمنٸڭ 3-راكەتكاسى, ٶتكەن جىلعى US Open تۋرنيرٸنٸڭ جەڭٸمپازى, اۋسترييالىق دومينيك تيممەن كەزدەستٸ. تارتىستى ٶربٸگەن بٸرٸنشٸ پارتييا تاي-برەيككە دەيٸن جەتٸپ, وندا د.تيم باسىمدىلىق كٶرسەتتٸ – 7:6 (7:2).
اۋسترييالىق تەننيسشٸ ەكٸنشٸ سەتتە دە ەسەسٸن جٸبەرمەدٸ – 6:2. ٷشٸنشٸ پارتييادا ماتچتى تاعى بٸر برەيكپەن تٷيٸندەدٸ – 6:3. بەسەكە 2 ساعات 40 مينۋتقا سوزىلدى. د.تيم ەكٸنشٸ اينالىمدا گەرمانييالىق دومينيك كيوپفەر نەمەسە بوليۆييالىق ۋگو دەلەننٸڭ بٸرەۋٸمەن شەبەرلٸك بايقاسادى.
ەسكە سالا كەتەيٸك, بۇدان بۇرىن زارينا ديياستىڭ اۋسترالييا اشىق چەمپيوناتىن جەڭٸسپەن باستاعانىن جازعان بولاتىنبىز.
