Qazaqstandyq Anna Danilina juptyq synda Aýstraliia ashyq chempionatynyń úshinshi ainalymyna shyqty, dep habarlaidy QazAqparat.
Jýyrda braziliialyq Beatris Haddad Maiiamen birge Sidnei WTA 500 týrniriniń jeńimpazy atanyp, juptyq synda Qazaqstannyń birinshi raketkasy bolyp úlgergen A.Danilina atalmysh «Úlken dýlyǵa» týrnirinde sátti óner kórsetýde.
Bul joly qazaqstandyq-braziliialyq jup ekinshi ainalymda chehiialyqtar Tereza Martintsova – Marketa Vondroýshovamen sheberlik baiqasty.
Beatris pen Anna 4:6, 6:3, 6:2 esebimen jeńiske jetti.
Olar 1 saǵat 39 minýtqa sozylǵan matchta 2 eis jasap, 8 breik-pointtyń altaýyn óz esepterine jazdy. Qarsylastary 2 eis, 4 breikten (7 breik-point) asa almady.
B.Haddad Maiia men A.Danilina shirek finalǵa shyǵý úshin jarystyń 10-raketkalary, chehiialyqtar Mariia Boýzkova – Lýtsiia Gradetska nemese ispaniialyq Alena Bolshova – norvegiialyq Ýlrikke Eikeri juptarynyń qai jeńgenimen talasady.
