قازاقستاندىق اننا دانيلينا جۇپتىق سىندا اۋسترالييا اشىق چەمپيوناتىنىڭ ٷشٸنشٸ اينالىمىنا شىقتى, دەپ حابارلايدى قازاقپارات.
جۋىردا برازيلييالىق بەاتريس حادداد ماييامەن بٸرگە سيدنەي WTA 500 تۋرنيرٸنٸڭ جەڭٸمپازى اتانىپ, جۇپتىق سىندا قازاقستاننىڭ بٸرٸنشٸ راكەتكاسى بولىپ ٷلگەرگەن ا.دانيلينا اتالمىش «ٷلكەن دۋلىعا» تۋرنيرٸندە سەتتٸ ٶنەر كٶرسەتۋدە.
بۇل جولى قازاقستاندىق-برازيلييالىق جۇپ ەكٸنشٸ اينالىمدا چەحييالىقتار تەرەزا مارتينتسوۆا – ماركەتا ۆوندروۋشوۆامەن شەبەرلٸك بايقاستى.
بەاتريس پەن اننا 4:6, 6:3, 6:2 ەسەبٸمەن جەڭٸسكە جەتتٸ.
ولار 1 ساعات 39 مينۋتقا سوزىلعان ماتچتا 2 ەيس جاساپ, 8 برەيك-پوينتتىڭ التاۋىن ٶز ەسەپتەرٸنە جازدى. قارسىلاستارى 2 ەيس, 4 برەيكتەن (7 برەيك-پوينت) اسا المادى.
ب.حادداد ماييا مەن ا.دانيلينا شيرەك فينالعا شىعۋ ٷشٸن جارىستىڭ 10-راكەتكالارى, چەحييالىقتار مارييا بوۋزكوۆا – لۋتسييا گرادەتسكا نەمەسە يسپانييالىق الەنا بولشوۆا – نورۆەگييالىق ۋلريككە ەيكەري جۇپتارىنىڭ قاي جەڭگەنٸمەن تالاسادى.
