Qazaqstannyń birinshi, álemniń 45-raketkasy Aleksandr Býblik Aýstraliia ashyq chempionatynyń ekinshi ainalymyna shyqty, dep habarlaidy "Ult aqparat".
A.Býblik bastapqy kezdesýin reitingte 58-orynda turǵan sloveniialyq Aliaj Bedenemen ótkizdi.
Birinshi partiiada qazaqstandyq tennisshi basymdylyǵyn tanytty – 6:4.
Ekinshi sette esep 5:5 bolǵan mezette A.Býblik breik jasai bildi. Sosyn óz geiminde múmkindigin jibergen joq – 7:5.
Esesine úshinshi partiiany A.Bedene breikpen bitirdi – 7:5.
Tórtinshi sette esep 4:4 bolǵan mezette qazaqstandyq sportshy breikke qol jetkizdi. Sodan keiin ekinshi matchbolyn paidalana aldy – 6:4.
Tartysty ótken báseke 2 saǵat 38 minýtqa sozyldy.
A.Býblik ekinshi ainalymda álemniń 26-raketkasy, serbiialyq Dýshan Laiovich nemese reitingte 201-satydaǵy ýkrainalyq Sergei Stahovskiidiń bireýimen kortqa shyǵady.
Ótken jyly osy «Úlken dýlyǵa» dodasynda A.Býblik te, M.Kýkýshkin de alǵashqy ainalymnan asa almaǵan bolatyn.
