قازاقستاننىڭ بٸرٸنشٸ, ەلەمنٸڭ 45-راكەتكاسى الەكساندر بۋبليك اۋسترالييا اشىق چەمپيوناتىنىڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
ا.بۋبليك باستاپقى كەزدەسۋٸن رەيتينگتە 58-ورىندا تۇرعان سلوۆەنييالىق الياج بەدەنەمەن ٶتكٸزدٸ.
بٸرٸنشٸ پارتييادا قازاقستاندىق تەننيسشٸ باسىمدىلىعىن تانىتتى – 6:4.
ەكٸنشٸ سەتتە ەسەپ 5:5 بولعان مەزەتتە ا.بۋبليك برەيك جاساي بٸلدٸ. سوسىن ٶز گەيمٸندە مٷمكٸندٸگٸن جٸبەرگەن جوق – 7:5.
ەسەسٸنە ٷشٸنشٸ پارتييانى ا.بەدەنە برەيكپەن بٸتٸردٸ – 7:5.
تٶرتٸنشٸ سەتتە ەسەپ 4:4 بولعان مەزەتتە قازاقستاندىق سپورتشى برەيككە قول جەتكٸزدٸ. سودان كەيٸن ەكٸنشٸ ماتچبولىن پايدالانا الدى – 6:4.
تارتىستى ٶتكەن بەسەكە 2 ساعات 38 مينۋتقا سوزىلدى.
ا.بۋبليك ەكٸنشٸ اينالىمدا ەلەمنٸڭ 26-راكەتكاسى, سەربييالىق دۋشان لايوۆيچ نەمەسە رەيتينگتە 201-ساتىداعى ۋكراينالىق سەرگەي ستاحوۆسكييدٸڭ بٸرەۋٸمەن كورتقا شىعادى.
ٶتكەن جىلى وسى «ٷلكەن دۋلىعا» دوداسىندا ا.بۋبليك تە, م.كۋكۋشكين دە العاشقى اينالىمنان اسا الماعان بولاتىن.
