Aýrýhanalardy dárilik zattarmen úzdiksiz qamtý Úkimettiń erekshe baqylaýynda tur. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Elimizdiń meditsinalyq uiymdaryn dárilik zattarmen úzdiksiz qamtý máselesi Úkimettiń erekshe baqylaýynda tur. Koronavirýs infektsisynyń oryn alýy múmkin jańa tolqynyna daiyndyq aiasynda dári-dármekpen qamtamasyz etý salasynda birqatar shara qabyldandy. Aldymen, COVID-19 boiynsha dárilik zattardyń eki aiǵa jetetin qory jasaqtaldy. Atap aitqanda, koronavirýs infektsiiasyn juqtyrǵan patsientter sany aiyna 60 myńǵa jetken jaǵdaida statsionarlardy daiyndaý aiasynda dárilik zattardyń 44 ataýy satyp alynyp jatyr. Qazirgi ýaqytta COVID-19-ǵa arnalǵan 44 dárilik zat ataýynyń 41-i satyp alyndy», - dedi ministr IX Azamattyq forým aiasynda úkimettik emes uiymdar ókilderimen kezdesýi barysynda.
Sonymen qatar ol elimizdiń barlyq meditsinalyq uiymdarynda únemi tolyqtyrylyp otyratyn ailyq qor jasaqtaý jumystary júrgizilip jatqanyn basa aitty.
«Osyǵan orai Biryńǵai destribiýter («SQ-Farmatsiia») jalpy somasy 21 mlrd teńgeni quraityn 91 dári ataýyn jóneltti», - dedi Aleksei Tsoi.
