اۋرۋحانالاردى دەرٸلٸك زاتتارمەن ٷزدٸكسٸز قامتۋ ٷكٸمەتتٸڭ ەرەكشە باقىلاۋىندا تۇر. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«ەلٸمٸزدٸڭ مەديتسينالىق ۇيىمدارىن دەرٸلٸك زاتتارمەن ٷزدٸكسٸز قامتۋ مەسەلەسٸ ٷكٸمەتتٸڭ ەرەكشە باقىلاۋىندا تۇر. كوروناۆيرۋس ينفەكتسيسىنىڭ ورىن الۋى مٷمكٸن جاڭا تولقىنىنا دايىندىق اياسىندا دەرٸ-دەرمەكپەن قامتاماسىز ەتۋ سالاسىندا بٸرقاتار شارا قابىلداندى. الدىمەن, COVID-19 بويىنشا دەرٸلٸك زاتتاردىڭ ەكٸ ايعا جەتەتٸن قورى جاساقتالدى. اتاپ ايتقاندا, كوروناۆيرۋس ينفەكتسيياسىن جۇقتىرعان پاتسيەنتتەر سانى ايىنا 60 مىڭعا جەتكەن جاعدايدا ستاتسيونارلاردى دايىنداۋ اياسىندا دەرٸلٸك زاتتاردىڭ 44 اتاۋى ساتىپ الىنىپ جاتىر. قازٸرگٸ ۋاقىتتا COVID-19-عا ارنالعان 44 دەرٸلٸك زات اتاۋىنىڭ 41-ٸ ساتىپ الىندى», - دەدٸ مينيستر IX ازاماتتىق فورۋم اياسىندا ٷكٸمەتتٸك ەمەس ۇيىمدار ٶكٸلدەرٸمەن كەزدەسۋٸ بارىسىندا.
سونىمەن قاتار ول ەلٸمٸزدٸڭ بارلىق مەديتسينالىق ۇيىمدارىندا ٷنەمٸ تولىقتىرىلىپ وتىراتىن ايلىق قور جاساقتاۋ جۇمىستارى جٷرگٸزٸلٸپ جاتقانىن باسا ايتتى.
«وسىعان وراي بٸرىڭعاي دەستريبيۋتەر («سق-فارماتسييا») جالپى سوماسى 21 ملرد تەڭگەنٸ قۇرايتىن 91 دەرٸ اتاۋىن جٶنەلتتٸ», - دەدٸ الەكسەي تسوي.
