Foto: otyrar.kz
1100-den astam memlekettik mekeme azyq-túlikti joǵary baǵamen satyp alǵan, dep habarlaidy Ult.kz.
Qarjylyq monitoring agenttiginiń málimetinshe, ótken jyly azyq-túlik baǵalarynyń jasandy túrde kóterilgen 817 jaǵdaiy anyqtalyp, olarǵa qatysty materialdar óńirlik komissiialarǵa jiberildi. 685 mekemeniń satyp alý kelisimsharttary qaita qaralyp, nátijesinde 370 million teńgeden astam qarajat únemdeldi.
Agenttik "alyp-satarlyq" shemalardy áshkereleý úshin IT quraldaryn paidalanyp, kásiporyndardyń qyzmetine tikelei aralaspai jumys júrgizýde. Nátijesinde 69 tiimsiz deldal naryqtan shettetilip, 600 ákimshilik hattama toltyrylyp, 11 million teńge kóleminde aiyppul salyndy.
Aqtóbe oblysynda agenttik sharalarynyń arqasynda 80 balabaqshada qaraqumyq, kartop, sábiz, qant, jumyrtqa jáne tuzdyń baǵasy tómendetildi. Bir kásipker qaraqumyqty balabaqshaǵa 500%-dan joǵary baǵa qosyp jetkizgeni anyqtalǵan. Qostanai oblysynda 117 áleýmettik mekeme azyq-túlik ónimderin 180%-ǵa deiingi ústeme baǵamen satyp alǵan. Bul óńirde qosymsha kelisimsharttar jasalyp, 60 million teńgege jýyq qarajat únemdeldi.
Agenttik Astana men Qaraǵandy oblysyndaǵy 175 balabaqshanyń satyp alý qyzmetine de túzetýler engizip, 100 million teńgeden astam únemge qol jetkizdi. Aldaǵy ýaqytta ónim óndirýshilerden tikelei satyp alý tájiribesin keńeitý, baǵany negizsiz kótergeni úshin aiyppuldardy qatańdatý jáne zańsyz tabys kólemine para-par jazalaý sharalary júzege asyrylady.
Ekonomikalyq turaqtylyq pen quqyq buzýshylyqtarǵa qarsy belsendi áreket etý agenttiktiń basym baǵyttary qatarynda qalyp otyr.
