Almaty jedel járdem aýrýhanasynyń qyzmetkerleri tártipsizdikter bastalǵanda qalai jumys istegenin aitty, - dep habarlaidy Tengrinews.kz tilshisi.
"Bastapqyda bári tynysh boldy, túngi 12-ge deiin jedel járdem úsh naýqasty alyp keldi, olardy tekserip, ambýlatoriialyq em alýǵa jiberdik. Biraq túngi saǵat birge qarai jaǵdai ózgerdi. Jedel járdem jaralanǵan áskeri qyzmetshilerdi ákele bastady, sarbazdar jarylǵysh zattardan zardap shekken, oq jaraqatyn alǵan áriptesterin alyp keldi. Men sol túni aýrýhanada jaýapty dáriger boldym.
Aýrýhana basshylyǵy aldyn ala meditsinalyq kómek brigadasyn kúsheitý týraly sheshim qabyldady, quramynda travmatolog, hirýrg, neirohirýrg, anesteziolog-reanimatolog dárigerler jáne basqa da mamandar bar bes-alty brigada daiyndaldy. Qosymsha jeńil jaralanǵandardy tańý kabinetteri ashylyp, sol túni kezekshilikte bolǵan barlyq dáriger jumyldyryldy.
Aýrýhana basshylyǵymen tańerteńge deiin toqtaýsyz jumys istedik, kelgen naýqastardy bólý erekshe mańyzǵa ie boldy. Osylaisha, qyzmetkerler jumysynda dúrbeleń týǵyzbaýǵa múmkindik boldy. Tańerteńgi saǵat 7-ge qarai, naýqastar azaidy.
Eger bul qorqynyshty boldy ma deseńiz, joq. Óitkeni mamandyǵymyz - muqtaj adamdarǵa kómektesý. Kóshede jarylystar, atys estildi, biz qoryqqan jalǵyz nárse - aýrýhanaǵa shabýyl jasaý", - dedi ol.
Qabyldaý bóliminiń jaýapty travmatology Aqan Basymbekovtiń aitýynsha, Almatydaǵy tártipsizdikter kezinde aýrýhananyń qabyldaý bólimine oq tiip, túrli jaraqat alǵandar túsken.
"Biz daiyn boldyq, brigadalar jumys istedi, shuǵyl bilikti kómek kórsetildi. Aýyr jaraqat alǵandar shuǵyl túrde operatsiialyq blokqa, travmatologiia, hirýrgiia, ýrologiia, ortasha aýyrlyqtaǵy operatsiialyq emdeýge jiberildi, patsientter bólimshelerge jatqyzyldy, jeńil jaraqat alǵandardy qarap, tańyp, ambýlatoriialyq em alýǵa úige jiberdik.
Kóp qyzmetker qaladaǵy tótenshe jaǵdaiǵa qaramastan jumys ornyna jetti. Men Talǵarda turamyn, jumysqa kelý problemasy týyndady, 5-i kúni men aýrýhanaǵa jete almadym. Biraq 6 qańtarda tańerteń erte keldim", - dedi Basymbekov.
Ota bóliminiń aǵa medbikesi Ǵaliia Almabaeva negizinen áskeri qyzmetshiler túskenin aitty.
"Ulym áskeri qyzmetshi, jaralanǵan jastardy kórý óte qorqynyshty boldy. Basqalar siiaqty: bireýdiń aǵasy, bireýdiń kúieýi bar. Bári ýaiymdady.
Kim bolsa da - turǵyn nemese áskeri qyzmetshi - el azamattary. Tipten jas balalar tústi. Olardyń sany artqan saiyn kóz jasymyzdy tyia almadyq.
Toqtaýsyz 9 ota bólmesi jumys istedi. Biz, árine, tótenshe jaǵdailarǵa daiyn boldyq, jedel áreket etýge úirengenbiz, biraq mundai jaǵdaiǵa moraldyq turǵydan qalai daiyndalýǵa bolady?!
Bizde naqty aqparat bolǵan joq, biraq aýrýhanalardyń birin basyp aldy degendi estigende, bizdiń aýrýhanaǵa da adamdar jinalady dep qoryqtyq. 7 qańtarǵa qaraǵan tún jaǵdai qorqynyshty boldy, biz ota ústelinde turǵanda, búlikshiler toby aýrýhanaǵa jaqyndap qalǵany aityldy.
Biraq bárimiz óz mindetimizdi oryndadyq. Barlyq dáriger men medbike aýrýhana basshylyǵymen birge, qanshalyqty qorqynyshty bolsa da, toqtamai jumys istedi. Aýrýhanadan shyqpai jumys istedik. Tipti tamaqty da oilamadyq, bul jaǵdaida ony qalai oilaimyz?! Osylaisha, tórt kún, 9 qańtarǵa deiin jumys istedik. 9-ynda úige qaittyq", - dedi ol.
Sonymen qatar, dárigerler qabyldaý bólmesi men operatsiialyq bloktyń fotosýretterin bólisti.
