الماتى جەدەل جەردەم اۋرۋحاناسىنىڭ قىزمەتكەرلەرٸ تەرتٸپسٸزدٸكتەر باستالعاندا قالاي جۇمىس ٸستەگەنٸن ايتتى, - دەپ حابارلايدى Tengrinews.kz تٸلشٸسٸ.
"باستاپقىدا بەرٸ تىنىش بولدى, تٷنگٸ 12-گە دەيٸن جەدەل جەردەم ٷش ناۋقاستى الىپ كەلدٸ, ولاردى تەكسەرٸپ, امبۋلاتورييالىق ەم الۋعا جٸبەردٸك. بٸراق تٷنگٸ ساعات بٸرگە قاراي جاعداي ٶزگەردٸ. جەدەل جەردەم جارالانعان ەسكەري قىزمەتشٸلەردٸ ەكەلە باستادى, ساربازدار جارىلعىش زاتتاردان زارداپ شەككەن, وق جاراقاتىن العان ەرٸپتەستەرٸن الىپ كەلدٸ. مەن سول تٷنٸ اۋرۋحانادا جاۋاپتى دەرٸگەر بولدىم.
اۋرۋحانا باسشىلىعى الدىن الا مەديتسينالىق كٶمەك بريگاداسىن كٷشەيتۋ تۋرالى شەشٸم قابىلدادى, قۇرامىندا تراۆماتولوگ, حيرۋرگ, نەيروحيرۋرگ, انەستەزيولوگ-رەانيماتولوگ دەرٸگەرلەر جەنە باسقا دا ماماندار بار بەس-التى بريگادا دايىندالدى. قوسىمشا جەڭٸل جارالانعانداردى تاڭۋ كابينەتتەرٸ اشىلىپ, سول تٷنٸ كەزەكشٸلٸكتە بولعان بارلىق دەرٸگەر جۇمىلدىرىلدى.
اۋرۋحانا باسشىلىعىمەن تاڭەرتەڭگە دەيٸن توقتاۋسىز جۇمىس ٸستەدٸك, كەلگەن ناۋقاستاردى بٶلۋ ەرەكشە ماڭىزعا يە بولدى. وسىلايشا, قىزمەتكەرلەر جۇمىسىندا دٷربەلەڭ تۋعىزباۋعا مٷمكٸندٸك بولدى. تاڭەرتەڭگٸ ساعات 7-گە قاراي, ناۋقاستار ازايدى.
ەگەر بۇل قورقىنىشتى بولدى ما دەسەڭٸز, جوق. ٶيتكەنٸ ماماندىعىمىز - مۇقتاج ادامدارعا كٶمەكتەسۋ. كٶشەدە جارىلىستار, اتىس ەستٸلدٸ, بٸز قورىققان جالعىز نەرسە - اۋرۋحاناعا شابۋىل جاساۋ", - دەدٸ ول.
قابىلداۋ بٶلٸمٸنٸڭ جاۋاپتى تراۆماتولوگى اقان باسىمبەكوۆتٸڭ ايتۋىنشا, الماتىداعى تەرتٸپسٸزدٸكتەر كەزٸندە اۋرۋحانانىڭ قابىلداۋ بٶلٸمٸنە وق تيٸپ, تٷرلٸ جاراقات العاندار تٷسكەن.
"بٸز دايىن بولدىق, بريگادالار جۇمىس ٸستەدٸ, شۇعىل بٸلٸكتٸ كٶمەك كٶرسەتٸلدٸ. اۋىر جاراقات العاندار شۇعىل تٷردە وپەراتسييالىق بلوكقا, تراۆماتولوگييا, حيرۋرگييا, ۋرولوگييا, ورتاشا اۋىرلىقتاعى وپەراتسييالىق ەمدەۋگە جٸبەرٸلدٸ, پاتسيەنتتەر بٶلٸمشەلەرگە جاتقىزىلدى, جەڭٸل جاراقات العانداردى قاراپ, تاڭىپ, امبۋلاتورييالىق ەم الۋعا ٷيگە جٸبەردٸك.
كٶپ قىزمەتكەر قالاداعى تٶتەنشە جاعدايعا قاراماستان جۇمىس ورنىنا جەتتٸ. مەن تالعاردا تۇرامىن, جۇمىسقا كەلۋ پروبلەماسى تۋىندادى, 5-ٸ كٷنٸ مەن اۋرۋحاناعا جەتە المادىم. بٸراق 6 قاڭتاردا تاڭەرتەڭ ەرتە كەلدٸم", - دەدٸ باسىمبەكوۆ.
وتا بٶلٸمٸنٸڭ اعا مەدبيكەسٸ عالييا الماباەۆا نەگٸزٸنەن ەسكەري قىزمەتشٸلەر تٷسكەنٸن ايتتى.
"ۇلىم ەسكەري قىزمەتشٸ, جارالانعان جاستاردى كٶرۋ ٶتە قورقىنىشتى بولدى. باسقالار سيياقتى: بٸرەۋدٸڭ اعاسى, بٸرەۋدٸڭ كٷيەۋٸ بار. بەرٸ ۋايىمدادى.
كٸم بولسا دا - تۇرعىن نەمەسە ەسكەري قىزمەتشٸ - ەل ازاماتتارى. تٸپتەن جاس بالالار تٷستٸ. ولاردىڭ سانى ارتقان سايىن كٶز جاسىمىزدى تىيا المادىق.
توقتاۋسىز 9 وتا بٶلمەسٸ جۇمىس ٸستەدٸ. بٸز, ەرينە, تٶتەنشە جاعدايلارعا دايىن بولدىق, جەدەل ەرەكەت ەتۋگە ٷيرەنگەنبٸز, بٸراق مۇنداي جاعدايعا مورالدىق تۇرعىدان قالاي دايىندالۋعا بولادى?!
بٸزدە ناقتى اقپارات بولعان جوق, بٸراق اۋرۋحانالاردىڭ بٸرٸن باسىپ الدى دەگەندٸ ەستٸگەندە, بٸزدٸڭ اۋرۋحاناعا دا ادامدار جينالادى دەپ قورىقتىق. 7 قاڭتارعا قاراعان تٷن جاعداي قورقىنىشتى بولدى, بٸز وتا ٷستەلٸندە تۇرعاندا, بٷلٸكشٸلەر توبى اۋرۋحاناعا جاقىنداپ قالعانى ايتىلدى.
بٸراق بەرٸمٸز ٶز مٸندەتٸمٸزدٸ ورىندادىق. بارلىق دەرٸگەر مەن مەدبيكە اۋرۋحانا باسشىلىعىمەن بٸرگە, قانشالىقتى قورقىنىشتى بولسا دا, توقتاماي جۇمىس ٸستەدٸ. اۋرۋحانادان شىقپاي جۇمىس ٸستەدٸك. تٸپتٸ تاماقتى دا ويلامادىق, بۇل جاعدايدا ونى قالاي ويلايمىز?! وسىلايشا, تٶرت كٷن, 9 قاڭتارعا دەيٸن جۇمىس ٸستەدٸك. 9-ىندا ٷيگە قايتتىق", - دەدٸ ول.
سونىمەن قاتار, دەرٸگەرلەر قابىلداۋ بٶلمەسٸ مەن وپەراتسييالىق بلوكتىڭ فوتوسۋرەتتەرٸن بٶلٸستٸ.
