Aýǵanstannyń 49 azamaty elimizde oralman qazaqtardyń mártebesin almaq bolǵan. Bul týraly májilistegi úkimet saǵatynda májilis tóraǵasynyń orynbasary Vladimir Bojko aitty, dep habarlaidy Sputnik Qazaqstan tilshisi.
Vitse-spikerdiń aitýynsha, halyqaralyq jaǵdai men kóshi-qon aǵynynyń ósýi, ishki migratsiia jaǵdaiy kúsh qurylymdary men ishki ister ministrligine qosymsha jaýapkershilik júkteidi. Bojko syrttan tónetin qaýip-qater týraly aita kele, ishki jaǵdaiy kúrdeli memleketterden bolatyn retsiz emigratsiia máselesine toqtaldy.
"Bul migranttar keletin eldegi jaǵdaidyń turaqsyzdanýyna, terroristik jáne qylmystyq qaýip-qaterdiń artýyna, áleýmettik-ekonomikalyq máselelerdiń kúrt shielenisýine, jergilikti halyqtyń qalypty ómirine qysym jasalýyna alyp kelýi múmkin. Elimizge migranttardyń ishinde terroristerdiń kirip ketý múmkindigi erekshe qaýip týdyrady", — dedi tóraǵa orynbasary.
Onyń aitýynsha, zańsyz kóshi-qondy uiymdastyratyn firmalar men adamdardyń qylmystyq áreketi men migratsiialyq tártipti buzýshylardy anyqtaý kerek.
"Al sandar alańdaýshylyǵymyzdy týdyrady. Máselen, 49 Aýǵanstan azamaty oralman qazaqtardyń mártebesin almaq bolǵan. Olardyń kópshiligi qazir izdeýde júr. Bangladesh respýblikasy men Aýǵanstan azamattary bizdiń elimizdiń aýmaǵyn Eýropaǵa ótip, ol jaqta turaqtap qalý úshin paidalanǵysy keledi. Eki transulttyq qylmystyq top 85 tirkelgen qazaqstandyq kompaniia arqyly Qytaidan Qazaqstanǵa jappai zańsyz kirý jolyn uiymdastyrǵan", — dep atap ótti Bojko.
