Ahmad Masýd táliptermen kúresemin dedi. Batystan kómek surady. Tálipter de ońai shaǵylar jańǵaq emes. Saiasatty da meńgerip, 2000 jyldardaǵy jeńilisinen qorytyndy shyǵarypty. Keibir zamanaýi batamalary da bar. Eshkimge timeimiz, Aýǵanstannan basqa jer kerek emes depti. Syrtqy kúshterdiń áserinen, ishki máselesine aralasýynan seskenedi.
Osy jaǵdaida Orta Aziiaǵa tálipterdiń tym qatty kúsheigeni de qajet emes. Ýaqyt óte ornyǵyp alǵannan keiin syrtqa kóz alarta bastaityny anyq. Ahmad Masýdpen jyldap, ózara soǵysa bergeni de jaqsy ǵoi degiń-aq keledi. Syrtqa qaraýǵa shamasy da bolmai jatatyn jaǵdai jasaýǵa bolady. Biraq gýmanizm turǵysynan alsań, qyrylatyn qarapaiym halyq. Menińshe eshqandai iri derjava Aýǵanstannan zamanaýi memleket jasaimyz degen illiýziiaǵa endi senbeitin shyǵar. Bul eldi jaýlap alý 10 jyl boiy Keńes imperiiasynyń, órkenietke ózgertý 20 jylda álemniń birinshi ekonomikasy bolǵan AQSh-tyń da qolynan kelmedi.
Geosaiasi oiynda Aýǵanstandy yqpal etý aimaǵyna ainaldyrýdyń jańa tetikterin izdep, paidalanýǵa tyrysady. Kim qalai paidalanady?.. Úlken suraq. Aldaǵy bir jylda ár eldiń aimaqta jasaǵan geosaiasi júristerinen jalpy kartina belgili bolýy tiis.
Baýyrjan Serikbaev
