احماد ماسۋد تەلٸپتەرمەن كٷرەسەمٸن دەدٸ. باتىستان كٶمەك سۇرادى. تەلٸپتەر دە وڭاي شاعىلار جاڭعاق ەمەس. ساياساتتى دا مەڭگەرٸپ, 2000 جىلدارداعى جەڭٸلٸسٸنەن قورىتىندى شىعارىپتى. كەيبٸر زاماناۋي باتامالارى دا بار. ەشكٸمگە تيمەيمٸز, اۋعانستاننان باسقا جەر كەرەك ەمەس دەپتٸ. سىرتقى كٷشتەردٸڭ ەسەرٸنەن, ٸشكٸ مەسەلەسٸنە ارالاسۋىنان سەسكەنەدٸ.
وسى جاعدايدا ورتا ازيياعا تەلٸپتەردٸڭ تىم قاتتى كٷشەيگەنٸ دە قاجەت ەمەس. ۋاقىت ٶتە ورنىعىپ العاننان كەيٸن سىرتقا كٶز الارتا باستايتىنى انىق. احماد ماسۋدپەن جىلداپ, ٶزارا سوعىسا بەرگەنٸ دە جاقسى عوي دەگٸڭ-اق كەلەدٸ. سىرتقا قاراۋعا شاماسى دا بولماي جاتاتىن جاعداي جاساۋعا بولادى. بٸراق گۋمانيزم تۇرعىسىنان الساڭ, قىرىلاتىن قاراپايىم حالىق. مەنٸڭشە ەشقانداي ٸرٸ دەرجاۆا اۋعانستاننان زاماناۋي مەملەكەت جاسايمىز دەگەن يلليۋزيياعا ەندٸ سەنبەيتٸن شىعار. بۇل ەلدٸ جاۋلاپ الۋ 10 جىل بويى كەڭەس يمپەريياسىنىڭ, ٶركەنيەتكە ٶزگەرتۋ 20 جىلدا ەلەمنٸڭ بٸرٸنشٸ ەكونوميكاسى بولعان اقش-تىڭ دا قولىنان كەلمەدٸ.
گەوساياسي ويىندا اۋعانستاندى ىقپال ەتۋ ايماعىنا اينالدىرۋدىڭ جاڭا تەتٸكتەرٸن ٸزدەپ, پايدالانۋعا تىرىسادى. كٸم قالاي پايدالانادى?.. ٷلكەن سۇراق. الداعى بٸر جىلدا ەر ەلدٸڭ ايماقتا جاساعان گەوساياسي جٷرٸستەرٸنەن جالپى كارتينا بەلگٸلٸ بولۋى تيٸس.
باۋىرجان سەرٸكباەۆ
