Aýǵanstandaǵy Reseidiń bas konsýldyǵynyń qyzmetkerleri Ózbekstanǵa evakýatsiialandy, dep habarlaidy QazAqparat.
Ózbekstannyń syrtqy vedomstvasy taratqan málimetke qaraǵanda, Aýǵanstannyń Hairaton qalasyndaǵy Reseidiń bas konsýldyǵynyń diplomattary Ózbekstanǵa aýystyryldy. Bul shara reseilik qyzmetkerlerdiń qaýipsizdigi úshin jasalǵan.
«Aýǵanstannyń Hairaton qalasyndaǵy Reseidiń bas konsýldyǵynyń qyzmetkerleri Ózbekstan aýmaǵyna jetkizildi», - dedi Ózbekstan Syrtqy ister ministrliginiń resmi ókili Iýsýp Kabýljanov.
Eske salsaq, Aýǵanstandaǵy jaǵdai kúrdelenip, eldiń qarýly áskerileri Ózbekstan men Tájikstan aýmaǵyna ótip ketken edi. «Taliban» qozǵalysy Aýǵanstandaǵy kóptegen jerdi basyp aldy.
Sondai-aq, Tájikstan Aýǵanstanmen shekarany nyǵaitý úshin 20 myń sarbazdy áskerge shaqyrmaq.
