اۋعانستانداعى رەسەيدٸڭ باس كونسۋلدىعىنىڭ قىزمەتكەرلەرٸ ٶزبەكستانعا ەۆاكۋاتسييالاندى, دەپ حابارلايدى قازاقپارات.
ٶزبەكستاننىڭ سىرتقى ۆەدومستۆاسى تاراتقان مەلٸمەتكە قاراعاندا, اۋعانستاننىڭ حايراتون قالاسىنداعى رەسەيدٸڭ باس كونسۋلدىعىنىڭ ديپلوماتتارى ٶزبەكستانعا اۋىستىرىلدى. بۇل شارا رەسەيلٸك قىزمەتكەرلەردٸڭ قاۋٸپسٸزدٸگٸ ٷشٸن جاسالعان.
«اۋعانستاننىڭ حايراتون قالاسىنداعى رەسەيدٸڭ باس كونسۋلدىعىنىڭ قىزمەتكەرلەرٸ ٶزبەكستان اۋماعىنا جەتكٸزٸلدٸ», - دەدٸ ٶزبەكستان سىرتقى ٸستەر مينيسترلٸگٸنٸڭ رەسمي ٶكٸلٸ يۋسۋپ كابۋلجانوۆ.
ەسكە سالساق, اۋعانستانداعى جاعداي كٷردەلەنٸپ, ەلدٸڭ قارۋلى ەسكەريلەرٸ ٶزبەكستان مەن تەجٸكستان اۋماعىنا ٶتٸپ كەتكەن ەدٸ. «تاليبان» قوزعالىسى اۋعانستانداعى كٶپتەگەن جەردٸ باسىپ الدى.
سونداي-اق, تەجٸكستان اۋعانستانمەن شەكارانى نىعايتۋ ٷشٸن 20 مىڭ ساربازدى ەسكەرگە شاقىرماق.
