Foto: Áýezov ýniversiteti
M.Áýezov atyndaǵy Ońtústik Qazaqstan ýniversitetiniń rektory 28,5 million teńge para aldy degen kúdikpen ustaldy, dep habarlaidy Otyrar.kz.
M.Áýezov atyndaǵy Ońtústik Qazaqstan ýniversitetiniń rektory Qairat Nurmanbetov ustaldy. Jelide M.Áýezov atyndaǵy oqý ornynyń basshylyq qyzmettegi eki qyzmetkeri men eki kompaniia basshysy qamaýǵa alynǵany aityldy.
Ekonomikalyq tergeý departamenti rektordyń ustalǵany týraly aqparatty rastady. Qazirgi ýaqytta tergeý amaldary júrgizilip jatyr.
Vedomstvo basshysynyń aitýynsha, tergeýdiń qupiialylyǵyna bailanysty aqparat jariia etilmeidi. Istiń memlekettik satyp alýǵa qatysty ekeni ǵana belgili.
Eske salsaq, buǵan deiin Aqtóbede ýniversitet direktorynyń áieli oqýǵa túsý úshin talapkerlerden aqsha alǵany aityldy.
