Mysyrdan PTR anyqtamasyz ushyp kelgen jáne Nur-Sultan áýejaiynan qashyp ketken eki turyn 30 AEK aiyppul tóleidi, dep habarlaidy "Ult aqparat".
Bul týraly Kóliktegi Bas memlekettik sanitarlyq dáriger Sádýaqas Baiǵabylov aityp berdi.
«COVID-19-ǵa PTR anyqtamasy joq, Nur-Sultan áýejaiynan qashqan eki astanalyq ustaldy jáne PTR test ótkizý úshin karantindik statsionarǵa jetkizildi. Olarǵa 30 AEK kóleminde aiyppul salynady.
Atalǵan tulǵalar – Sharm-el-Sheihten kelgen jubailar bolyp tabylady, olardyń biri Indýstriia jáne infraqurylymdyq damý ministrliginiń memlekettik qyzmetshisi», - dep túsindirdi Sádýaqas Baiǵabylov QazAqparat tilshisine bergen jaýabynda
Buǵan deiin 329 qazaqstandyq elge PTR anyqtamasyz ushyp kelgeni jáne eki astanalyqtyń áýejaidan qashyp ketkeni habarlanǵan edi.
