Foto: Almaty ákimdigi
Erbolat Dosaev tótenshe jaǵdaida kórsetken erligi men janqiiarlyǵy úshin Ábdiraiym Musa Sairanbaiulyn «Erligi úshin» medalimen marapattady. Sondai-aq Musa Ábdiraiymǵa aqshalai syiaqy tabystaldy.
52 jastaǵy azamat Almaty halyqaralyq áýejaiynyń ushýǵa deiingi tekserý aimaǵyna kirgen qylmyskerdiń qolyndaǵy pyshaǵyn tartyp aldy. Batyldyq pen shapshańdyqtyń arqasynda ol áýejai qyzmetkeriniń ómirin saqtap qaldy.
- Qazaqstan Prezidenti Qasym-Jomart Kemelulyna orasan zor kóńil bólip, qurmet kórsetkeni úshin shyn júrekten alǵysymdy bildiremin. Bizdiń elde árqashan beibit aspan, kelisim men órkendeý bolsyn, - Musa Ábdiraiym.
Eske salaiyq, Almaty áýejaiynda er adam qyzdy kepilge alyp, kópshilik aldynda pyshaq kezengenin jazǵanbyz.
Musa Ábdiraiym kúdiktige ózin kepilge usynyp, qyzmetkerdiń ornyna turǵan. Er adam tártip saqshylarymen kelissózge alańdaǵan tusta ol kúdiktiniń qolyndaǵy pyshaqty julyp aldy.
Memleket basshysynyń Jarlyǵymen qiyn-qystaý jaǵdaida kórsetken erligi men janqiiarlyǵy úshin Musa Sairanbaiuly Ábdiraiym «Erligi úshin» medalimen nagradtaldy.
Búgin ol Búkilálemdik boks keńesiniń beibitshilik elshisi boldy.
