Rio-de-Janeiroda eki tikushaq soqtyǵysyp, alty adam qaza tapty, dep habarlaidy ult.kz.
Braziliianyń Rio-de-Janeiro qalasynda eki tikushaq áýede soqtyǵysyp, saldarynan alty adam kóz jumdy. Qaiǵyly oqiǵa qalanyń batys bóligindegi Recreio dos Bandeirantes aýdanynda bolǵan.
Jergilikti órt sóndirý qyzmetiniń málimetinshe, soqtyǵysqan tikushaqtardyń biri avtodilerlik ortalyqtyń avtoturaǵyna qulaǵan. Saldarynan órt shyǵyp, ondaǵan kólik zaqymdanǵan. Keibir aqparat kózderi órttiń shamamen 20 kólikti sharpyǵanyn habarlady.
Oqiǵa ornynda jedel qutqarý jumystary júrgizilgenimen, tikushaqtardaǵy alty adamnyń barlyǵy qaza tapqan. Qazir Braziliia biligi apattyń naqty sebebin anyqtaý úshin tergeý júrgizip jatyr. Aldyn ala málimet boiynsha, mamandar pilottardyń áreketi men áýe qozǵalysyn baqylaý qyzmetiniń jumysyn tekserýde.
Kýágerlerdiń aitýynsha, áýede soqtyǵysqannan keiin tikushaqtardyń biri baqylaýdan shyǵyp, jerge qulaǵan. Oqiǵanyń videolary áleýmettik jelilerde keńinen taralyp, jurtshylyqtyń qyzý talqysyna tústi.
