ريو-دە-جانەيرودا ەكٸ تٸكۇشاق سوقتىعىسىپ, التى ادام قازا تاپتى, دەپ حابارلايدى ult.kz.
برازيلييانىڭ ريو-دە-جانەيرو قالاسىندا ەكٸ تٸكۇشاق ەۋەدە سوقتىعىسىپ, سالدارىنان التى ادام كٶز جۇمدى. قايعىلى وقيعا قالانىڭ باتىس بٶلٸگٸندەگٸ Recreio dos Bandeirantes اۋدانىندا بولعان.
جەرگٸلٸكتٸ ٶرت سٶندٸرۋ قىزمەتٸنٸڭ مەلٸمەتٸنشە, سوقتىعىسقان تٸكۇشاقتاردىڭ بٸرٸ اۆتوديلەرلٸك ورتالىقتىڭ اۆتوتۇراعىنا قۇلاعان. سالدارىنان ٶرت شىعىپ, ونداعان كٶلٸك زاقىمدانعان. كەيبٸر اقپارات كٶزدەرٸ ٶرتتٸڭ شامامەن 20 كٶلٸكتٸ شارپىعانىن حابارلادى.
وقيعا ورنىندا جەدەل قۇتقارۋ جۇمىستارى جٷرگٸزٸلگەنٸمەن, تٸكۇشاقتارداعى التى ادامنىڭ بارلىعى قازا تاپقان. قازٸر برازيلييا بيلٸگٸ اپاتتىڭ ناقتى سەبەبٸن انىقتاۋ ٷشٸن تەرگەۋ جٷرگٸزٸپ جاتىر. الدىن الا مەلٸمەت بويىنشا, ماماندار پيلوتتاردىڭ ەرەكەتٸ مەن ەۋە قوزعالىسىن باقىلاۋ قىزمەتٸنٸڭ جۇمىسىن تەكسەرۋدە.
كۋەگەرلەردٸڭ ايتۋىنشا, ەۋەدە سوقتىعىسقاننان كەيٸن تٸكۇشاقتاردىڭ بٸرٸ باقىلاۋدان شىعىپ, جەرگە قۇلاعان. وقيعانىڭ ۆيدەولارى ەلەۋمەتتٸك جەلٸلەردە كەڭٸنەن تارالىپ, جۇرتشىلىقتىڭ قىزۋ تالقىسىنا تٷستٸ.
