QR Densaýlyq saqtaý vitse-ministri - Bas memlekettik sanitar dáriger Erlan Qiiasov áýe kóligimen keletin jolaýshylardy oqshaýlaý merzimi nege uzartylǵanyn túsindirdi, dep habarlaidy "Ult aqparat".
«Syrttan keletin jaǵdaiǵa qatysty problemany baqylaýǵa alýǵa tyrysyp jatyrmyz. Barlyqsaqtyq erejelerin saqtaý qajettigin adamdarǵa qansha ret túsindirýimizge týra keldi. Shetelge saparlap, odan keiin elge oralǵan kezde tek ózińizdi ǵana emes jaqyndaryńyzdy, ushyp kele jatqanda janyńyzda bolatyn adamdardy da oilaý qajet. Shekaraǵa bailanysty ushý ýaqyty keminde 5-6 saǵatty quraidy», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, shetelden ushyp keletin otandastarymyzdyń 80 paiyzy PTR test tapsyryp, elimizge anyqtamasymen keledi. Dál osy azamattar tarapynan ushaqqa PTR anyqtamasyz otyratyn jolaýshylarǵa qatysty másele týyndap otyr.
«Árine, nieti adal azamatta: «Ushyp kele jatqan kezde PTR test tapsyrmaǵan, aýrý juqtyryp alý múmkin kórshim úshin otbasymdy táýekelge uryndyrýymym kerek?« degen saýaldyń týyndaýy zańdylyq. Osyǵan orai biz shekteý sharalaryn qabyldap áýe kompaniialarmyzǵa PTR testi joq azamattardy ushaq bortyna almaýǵa mindettemiz. Alaida, túrli jaǵdailar bolatyndyǵyn ózderińiz de túsinesizder jáne qazaqstandyqtardyń elge kirýine tyiym sala almaimyz», - dedi Erlan Qiiasov.
