«Qazgidromet» RMK 25 naýryzda aýa raiynyń buzylýyna bailanysty birqatar óńirde eskertý jariialady, dep habarlaidy QazAqparat.
Nur-Sultan qalasynda ońtústik-batystan jel soǵady, tańerteń jáne kúndiz ekpini 15-20 m/s jetedi.
Qyzylorda oblysynyń soltústiginde tuman kútiledi. Jel soltústik-shyǵystan soǵady, kúndiz oblystyń ortalyǵynda kúshi 15-20 m/s jetedi.
Qostanai oblysynyń shyǵysynda, ońtústiginde tuman, kóktaiǵaq boljanady. Oblystyń shyǵysynda jaiaý burqasyn júredi. Ońtústik-batystan, batystan jel soǵyp, kúndiz shyǵysta onyń ekpini 15-20 m/s artady.
Batys Qazaqstan oblysynyń soltústiginde tuman kútiledi.
Shyǵys Qazaqstan oblysynyń soltústik-shyǵysynda jaiaý burqasyn bolady. Jel batystan, ońtústik-batystan soǵady, túnde oblystyń batysynda, soltústik-shyǵysynda, ońtústiginde ekpini 23 m/s kúsheiedi.
Kúndiz Soltústik Qazaqstan oblysynyń soltústiginde jaiaý burqasyn, kóktaiǵaq kútiledi. Ońtústik-batystan jel soǵady, túnde oblystyń soltústiginde, ońtústiginde ekpini 15-20 m/s, kúndiz basym bóliginde kúshi 25 m/s artady.
Aqtóbe oblysynyń soltústiginde, ortalyǵynda tuman boljanady.
Mańǵystaý oblysynda jaýyn-shashyn bolady. Kúndiz óńirdiń batysynda, ońtústiginde kei ýaqyttarda qatty jaýyn-shashyn (jańbyr, qar) kútiledi. Oblystyń batysynda tuman boljanady. Ońtústik-shyǵystan soǵatyn jel soltústik-batysqa aýysady, oblystyń batysynda, ońtústik-shyǵysynda ekpini 15-20 m/s artady.
Túnde jáne tańerteń Qaraǵandy oblysynyń ortalyǵynda tuman kútiledi. Ońtústik-batystan jel soǵady, kúndiz óńirdiń soltústiginde kúshi 15-20 m/s jetedi.
Túnde Pavlodar oblysynyń shyǵysynda, kúndiz soltústiginde jaiaý burqasyn, kóktaiǵaq bolady. Ońtústik-batystan jel soǵady, kúshi túnde shyǵysta, kúndiz batys pen soltústikte 15-20 m/s artady.
Aqmola oblysynyń soltústiginde, batysynda jaiaý burqasyn, kóktaiǵaq kútiledi. Ońtústik-batystan jel soǵady, oblystyń soltústiginde, shyǵysynda ekpini 15-20 m/s kúsheiedi.
Túnde Túrkistan oblysynyń batysynda, ońtústiginde, taýly jáne taý bókterli aýdandarynda tuman kútiledi. Ońtústik-shyǵystan jel soǵady, kúndiz taý asýlarynda kúshi 15-20 m/s quraidy.
25-27 naýryzda Jambyl oblysynyń ońtústiginde, soltústik-shyǵysynda jáne taýly aýdandarynda qatty jaýyn-shashyn (jańbyr, qar) kútiledi. Óńirdiń ońtústiginde, soltústik-shyǵysynda jáne taýly aýdandarynda tuman, kóktaiǵaq boljanady. 26-27 naýryzda jeldiń kúshi kei ýaqytta 23-28 m/s jetedi.
