© Sputnik / Aleksei Malgavko
Qazaqstanda 83 jyl burynǵy rekord jańardy, - dep habarlaidy Tengrinews.kz caity "Qazgidromet" RMK málimetine silteme jasap.
Sinoptikter biylǵy aqpandaǵy aýa raiy málimetterin usyndy. Osy aida elimizdiń basym bóliginde aýa temperatýrasy normadan 1-3 gradýsqa joǵary bolǵan. Temperatýralyq fonnyń rekord kórsetkishteri aqpannyń úshinshi onkúndiginiń basynda baiqaldy.
Máselen, Qaraǵandy oblysynda Balqash meteostantsiiasynda termometr baǵanalary +3,1 gradýsqa jetti. Osylaisha, 1940 jylǵy rekord jańaryp, aýa temperatýrasy maksimým +2,8 gradýsqa deiin kóterilgen.
Sondai-aq, 1978 jyly tirelgen úsh rekord jańarǵan:
- 22 aqpanda Qostanai oblysynda Arqalyq meteostantsiiasynda aýanyń eń joǵary temperatýrasy +3,5 gradýs bolǵan, osylaisha burynǵy rekord +3 gradýsqa jańarǵan;
- sol kúni Aqmola oblysynda Astana meteostantsiiasynda aýa temperatýrasy +4,8 gradýs boldy (buryn ol +2,7 gradýs bolǵan);
- 23 aqpanda Pavlodar oblysynda Pavlodar meteostantsiiasynda aýanyń maksimal temperatýrasy +3,4 gradýs (buryn +3 gradýs) boldy.
Shyǵys Qazaqstan oblysynda Óskemen meteorologiialyq stantsiiasynda 22 aqpanda +6,5 gradýsty kórsetip, 1991 jylǵy rekord (+4,5 gradýs) jańarǵan.
Osy kúni Ulytaý oblysynda Jezqazǵan meteostantsiiasynda aýa temperatýrasy +4,3 gradýsqa deiin jylynyp, 1999 jylǵy rekord jańarǵan (+2,7 gradýs).
Bul kúni taǵy bir rekord Abai aýdanynda Semei meteorologiialyq stantsiiasynda tirkelgen: munda +5,3 gradýs baiqalyp, 1999 jylǵy rekord (+3,3 gradýs) jańarǵan.
20 aqpanda Mańǵystaý oblysynda, Aqtaý meteostantsiiasynda aýa temperatýrasynyń +12 gradýs Tselsii deńgeii tirkelip, 2002 jylǵy rekordty (+11,1 gradýs) jańartty.
