© Sputnik / الەكسەي مالگاۆكو
قازاقستاندا 83 جىل بۇرىنعى رەكورد جاڭاردى, - دەپ حابارلايدى Tengrinews.kz cايتى "قازگيدرومەت" رمك مەلٸمەتٸنە سٸلتەمە جاساپ.
سينوپتيكتەر بيىلعى اقپانداعى اۋا رايى مەلٸمەتتەرٸن ۇسىندى. وسى ايدا ەلٸمٸزدٸڭ باسىم بٶلٸگٸندە اۋا تەمپەراتۋراسى نورمادان 1-3 گرادۋسقا جوعارى بولعان. تەمپەراتۋرالىق فوننىڭ رەكورد كٶرسەتكٸشتەرٸ اقپاننىڭ ٷشٸنشٸ ونكٷندٸگٸنٸڭ باسىندا بايقالدى.
مەسەلەن, قاراعاندى وبلىسىندا بالقاش مەتەوستانتسيياسىندا تەرمومەتر باعانالارى +3,1 گرادۋسقا جەتتٸ. وسىلايشا, 1940 جىلعى رەكورد جاڭارىپ, اۋا تەمپەراتۋراسى ماكسيمۋم +2,8 گرادۋسقا دەيٸن كٶتەرٸلگەن.
سونداي-اق, 1978 جىلى تٸرەلگەن ٷش رەكورد جاڭارعان:
- 22 اقپاندا قوستاناي وبلىسىندا ارقالىق مەتەوستانتسيياسىندا اۋانىڭ ەڭ جوعارى تەمپەراتۋراسى +3,5 گرادۋس بولعان, وسىلايشا بۇرىنعى رەكورد +3 گرادۋسقا جاڭارعان;
- سول كٷنٸ اقمولا وبلىسىندا استانا مەتەوستانتسيياسىندا اۋا تەمپەراتۋراسى +4,8 گرادۋس بولدى (بۇرىن ول +2,7 گرادۋس بولعان);
- 23 اقپاندا پاۆلودار وبلىسىندا پاۆلودار مەتەوستانتسيياسىندا اۋانىڭ ماكسيمال تەمپەراتۋراسى +3,4 گرادۋس (بۇرىن +3 گرادۋس) بولدى.
شىعىس قازاقستان وبلىسىندا ٶسكەمەن مەتەورولوگييالىق ستانتسيياسىندا 22 اقپاندا +6,5 گرادۋستى كٶرسەتٸپ, 1991 جىلعى رەكورد (+4,5 گرادۋس) جاڭارعان.
وسى كٷنٸ ۇلىتاۋ وبلىسىندا جەزقازعان مەتەوستانتسيياسىندا اۋا تەمپەراتۋراسى +4,3 گرادۋسقا دەيٸن جىلىنىپ, 1999 جىلعى رەكورد جاڭارعان (+2,7 گرادۋس).
بۇل كٷنٸ تاعى بٸر رەكورد اباي اۋدانىندا سەمەي مەتەورولوگييالىق ستانتسيياسىندا تٸركەلگەن: مۇندا +5,3 گرادۋس بايقالىپ, 1999 جىلعى رەكورد (+3,3 گرادۋس) جاڭارعان.
20 اقپاندا ماڭعىستاۋ وبلىسىندا, اقتاۋ مەتەوستانتسيياسىندا اۋا تەمپەراتۋراسىنىڭ +12 گرادۋس تسەلسيي دەڭگەيٸ تٸركەلٸپ, 2002 جىلعى رەكوردتى (+11,1 گرادۋس) جاڭارتتى.
