Foto: azh.kz
Atyraý oblysy Jangeldin aýylynda buǵan deiin iz-túzsiz joǵaldy delingen, keiin óz úiinen óli kúide tabylǵan erli-zaiypty jupty jerleý rásimi ótti, dep habarlaidy Aqjaiyq.
Basylymnyń habarlaýynsha, marqumdarmen qoshtasýǵa týystary, kórshileri jáne aýyl turǵyndary keldi.
Jerleý rásimi tańerteń aýyl ziratynda ótti. Qaiǵy jamylǵan kópshilik kóz jasyn tyia almady. Ákimdik málimdegendei, jerleý rásimin marqumdardyń týystary ózderi uiymdastyrǵan.
Esterińizge sala keteiik, buǵan deiin Atyraý oblysynda politsiia qyzmetkerleri jumbaq jaǵdaida joǵalyp ketken bir otbasyn izdestirip jatqany habarlanǵan edi. Politsiiaǵa Atyraý qalasynyń turǵyny 25 jeltoqsanda aǵasy men onyń otbasy bir aidan astam ýaqyttan beri habar-osharsyz ketkeni týraly aryzben júgingen.
6 qańtarda otbasynyń eki múshesi, atap aitqanda erli-zaiypty Qarabalin Maqsot pen Óteshqalieva Násip óz úiinde óli tabylǵan. Atalǵan oqiǵaǵa qatysty "kisi óltirý" baby boiynsha qylmystyq is qozǵaldy.
