Atyraý oblysyndaǵy Aqqystaý aýlynyń turǵyny Saǵynǵali qariia oblys ákimi Nurlan Noǵaevqa “kryshasy” bar brakonerlerdiń kóp ekenin aityp, zańsyzdyqtan arasha surady. Bul týraly búgin Isatai aýdanynda ótken “Nur Otan” partiiasy aýdandyq filialynyń kezekten tys konferentsiiasynda belgili boldy, dep habarlaidy "Ult aqparat".
“...Brakonerge men de qarsymyn. Qazir úsh brakonerdiń ekeýiniń kryshasy bar. Ustaidy, kryshasy bardy qoia beredi. Úsh máshine ótedi, ekeýin ustaidy, bireýin qoia beredi. Endi mundai ádiletsizdikti kórip turǵanda halyq ýshyǵady ǵoi”, – dedi ol oblys ákimine.
“Men resmi túrde aitamyn. Biz bul joldan qaitpaimyz. ...Eshkim balyq aýlamasyn demeidi. Aýlaiyq, biraq jabaiylyqpen aýlamaiyq. Shamaly múmkindik bereiik. Balyq óssin, biz retimen ǵana shetinen alyp otyraiyq”, - dedi oblys ákimi brakonerlermen kúrestiń kúsheietinin bildirip.
Nurlan Noǵaev soǵystan keiin azaiyp qalǵan balyqtyń 60-shy jyldary qalai kóbeigenin de esine aldy.
“Soǵys kezinde balyqtyń bárin maidanǵa jibergen. Soǵys bitken soń 1945-65 jyldary balyq aýlaýdy ýaqytsha toqtatqan. (Sonyń arqasynda – red.) 65-shi jyldan keiin balyq qaptaǵan. Keiin ruqsat bergen. Búgin sol kún qaita oralyp otyr, balyq taǵy joq”, - dedi ol.
Aita ketelik, balyq ýyldyryq shashatyn mezgilde sý kóligin júrgizý erejesine narazy bolǵan bir top atyraýlyq sáýirde bilik ókilderimen qaqtyǵysqan edi. Sebebi, balyq qorǵaýmen ainalysatyn inspektsiia sý janýarynyń kóbeiýine kedergi bolmaý úshin motorynyń qýaty 20 attyń kúshinen asatyn qaiyqtardy teńizge shyǵarmai qoiǵan. Keiin narazylyq tanytqan 37 adamnyń turaqty jumysqa ornalasýǵa keliskeni belgili boldy.
Birneshe kún ótken soń zańsyz aýlanǵan 4 tonna balyqtyń Reseige ótip ketkeni anyqtalyp, kóp uzamai jergilikti Orman sharýashylyǵy jáne janýarlar dúniesi aýmaqtaq inspektsiiasynyń basshysy Murat Ermekqali óz erkimen jumysynan ketý týraly aryz jazdy.
Oblys ákimi baspasóz qyzmetiniń habarlaýynsha, qazir oblysta Jaiyq, Qiǵash ózenderin tereńdetý jumysy júrip jatyr. Aýdan turǵyndaryn jumyspen qamtý baǵytyndaǵy sharalar da kúsheie túspek. Máselen qazir aýdanda 2 mamandyq boiynsha kásiptik bilim berýdiuiymdastyrý júzege asyrylyp jatyr, jaqyn mezgilde kolledj ashý máselesi de kóterilgen.
