Foto: ashyq derekkózden
Atyraýlyq politseiler alaiaqtyń daýys ózgertip, telefon arqyly qalai aldaitynyn kórsetti, - dep habarlaidy "Ult aqparat" Polisia.kz Telegram-arnasyna silteme jasap.
"18 qarashada Kriminaldyq politsiia basqarmasynyń qyzmetkerleri "Hi-Tech" is-sharasy kezinde Krisha.kz paraqshasynda páterdi jalǵa beremin dep jalǵan habarlama berý arqyly turǵyndardan aldyn ala tólem retinde alaiaqtyq jolmen aqsha iemdengen 1996 jylǵy kúdiktini ustady" - delingen habarlamada.
Kúdikti 27 jastaǵy er adam bolsa da, daýysyn ártúrli ǵyp ózgertip, jas qyz nemese áiel adam bolyp telefon arqyly ońai aldap otyrǵan. Osylaisha, páter jalǵa alý habarlamasy boiynsha 37 jastaǵy qala turǵyny Whatsapp áleýmettik jelisi arqyly hat almasyp, kúdiktige aldyn ala 50 000 teńge aqsha qarajatyn aýdarǵan.
"Tergeý kezinde kúdiktiniń osyndai 3 qylmystyq iske qatysy bary anyqtaldy.
QK-tiń 190-baby 3-bóligimen sotqa deiingi tergep-tekserý bastaldy" - deidi IIM baspasóz qyzmeti ókilderi.
