Atyraýǵa Hayat-Vax vaktsinasynyń 7 500 dozasy jetkizildi, dep habarlaidy "Ult aqparat".
Oblystyq densaýlyq saqtaý basqarmasynyń basshysy Ashan Baidýálievtiń aitýynsha, Hayat-Vax vaktsinasy - bul belsendiligi joiylǵan koronavirýs infektsiiasyna qarsy vaktsina, Birikken Arab Ámirlikteriniń Ras-ál-Haima qalasyndaǵy «Jýlpar» farmatsevtikalyq óndirisinde shyǵarylǵan. Hayat Vax vaktsinasyn BAÁ Densaýlyq saqtaý jáne aldyn alý ministrligi 2020 jyly 9 jeltoqsanynda tirkedi, sodan keiin Qytaida 2020 jyly 30 jeltoqsanda tirkeldi. Atalmysh vaktsina Qytaida jáne BAÁ-de óndirýge maquldandy.
«Bul vaktsinany 11 mamyrda óńirdiń bir turǵyny saldyrdy. Jaqynda Hayat-Vax vaktsinasynyń 7 500 dozasy jetkizildi. Alǵashqy 200 doza «Mediker Jaiyq» seriktestigine jiberildi. Dozanyń qalǵan bóligi qoimada saqtaýly tur. Ony vaktsinalaý beketterine bólip beremiz», - dedi Ashan Baidýáliev.
