Atyraý qalasyndaǵy turǵyn úidegi gaz qazandyǵynyń jarylysynan keiin aýrýhanaǵa túsken úsh adamnyń jaǵdaiy óte aýyr, dep habarlaidy QazAqparat.
Jylý qazandyǵy búgin, 10 qarashada túngi saǵat 1:24-te jarylǵan. Jarylystyń saldarynan jalpy kólemi 120 sharshy metr bolatyn turǵyn úi otqa oranyp, tóbe jabyndysy men bólmeleri tolyqtai órtenip ketti. Órtten 3 adam – 19 jastaǵy eki jigi pen 22 jastaǵy boijetken zardap shegip, oblystyq aýrýhanaǵa jatqyzyldy.
Oblystyq densaýlyq saqtaý basqarmasynyń baspasóz qyzmetinen málim etkendei, aýrýhanaǵa jatqyzylǵan 3 naýqastyń ekeýi jansaqtaý bólimshesinde jatyr.
«Jansaqtaý bólimshesindegi naýqastyń biriniń denesin 90%, ekinshisinde 85-90% kúiik shalǵan. Ekeýiniń de jaǵdaiy óte aýyr. Naýqastyń ekeýi de jasandy tynys alý apparatyna qosylǵan. Al, 1999 jylǵy boijetken 25-30% kúiikpen neirotravmatolgiia bólimshesinde jatyr. Onyń jaǵdai aýyr. Dárigerler naýqastardy jiti qadaǵalaýyna aldy» - dep habarlady basqarmanyń baspasóz qyzmeti.
