اتىراۋ قالاسىنداعى تۇرعىن ٷيدەگٸ گاز قازاندىعىنىڭ جارىلىسىنان كەيٸن اۋرۋحاناعا تٷسكەن ٷش ادامنىڭ جاعدايى ٶتە اۋىر, دەپ حابارلايدى قازاقپارات.
جىلۋ قازاندىعى بٷگٸن, 10 قاراشادا تٷنگٸ ساعات 1:24-تە جارىلعان. جارىلىستىڭ سالدارىنان جالپى كٶلەمٸ 120 شارشى مەتر بولاتىن تۇرعىن ٷي وتقا ورانىپ, تٶبە جابىندىسى مەن بٶلمەلەرٸ تولىقتاي ٶرتەنٸپ كەتتٸ. ٶرتتەن 3 ادام – 19 جاستاعى ەكٸ جٸگٸ پەن 22 جاستاعى بويجەتكەن زارداپ شەگٸپ, وبلىستىق اۋرۋحاناعا جاتقىزىلدى.
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن مەلٸم ەتكەندەي, اۋرۋحاناعا جاتقىزىلعان 3 ناۋقاستىڭ ەكەۋٸ جانساقتاۋ بٶلٸمشەسٸندە جاتىر.
«جانساقتاۋ بٶلٸمشەسٸندەگٸ ناۋقاستىڭ بٸرٸنٸڭ دەنەسٸن 90%, ەكٸنشٸسٸندە 85-90% كٷيٸك شالعان. ەكەۋٸنٸڭ دە جاعدايى ٶتە اۋىر. ناۋقاستىڭ ەكەۋٸ دە جاساندى تىنىس الۋ اپپاراتىنا قوسىلعان. ال, 1999 جىلعى بويجەتكەن 25-30% كٷيٸكپەن نەيروتراۆماتولگييا بٶلٸمشەسٸندە جاتىر. ونىڭ جاعداي اۋىر. دەرٸگەرلەر ناۋقاستاردى جٸتٸ قاداعالاۋىنا الدى» - دەپ حابارلادى باسقارمانىڭ باسپاسٶز قىزمەتٸ.
