Foto: ashyq derekkóz
Atyraý qalasynda tórt adamnyń ólimine qatysty rezonansty is boiynsha aldyn ala sot tyńdaýy bastaldy, dep habarlaidy Ult.kz.
Sot otyrysynda memlekettik aiyptaýshy tergeý nusqasyn jariia etti. Tergeý dereginshe, Sultan Sársemáliev oqiǵa kúni kúndiz úiine kelgen. Sol kezde úide onyń áieli Aqbaian, kámeletke tolmaǵan balasy jáne áieliniń ápkesi Meiramgúl Qarabalina bolǵan.
Taraptar arasynda turmystyq máseleler men azyq-túlikke qatysty janjal týyndap, ol ýshyǵa túsken. Tergeý nusqasyna sáikes, janjal barysynda Qarabalinaǵa pyshaq jaraqaty salynǵan. Keiin kúdikti qylmys izderin jasyrýǵa áreket jasaǵany aityldy.
Budan bólek, is aiasynda «urlyq» jáne «alaiaqtyq» baptary boiynsha qosymsha qylmystyq ister tirkelgen.
Atalǵan is qoǵamda keń rezonans týdyrǵan. Sot otyrysyna marqumdardyń týystary men buqaralyq aqparat quraldarynyń ókilderi qatysyp jatyr.
