Foto: kznews.kz
Atyraýda joǵalyp ketken otbasynyń iesi Maqsot Muqanǵalievtyń qaryndasy Asila Muqanǵalmeva jýrnalisterge suhbat berip, jan aiqaiyn jetkizdi, dep habarlaidy Ult.kz kznews.kz-ke silteme jasap.
"Aman-esen bárińiz ortamyzǵa oralyńyzdarshy. Sultan, baýyrlarymdy qaida jiberdiń? Bir habaryn berińdershi dep tileimin. Maqsot Muqanǵaliev degen kisi – meniń ákemniń inisi. Eń birinshi Naýryz degen inim jumysqa ketedi. Ol telefon arqyly sóilesip turady eken. "Mende bári jaqsy, jumystamyn, qolym timei júr" deitin", – dedi.
Eske salaiyq, buǵan deiin Atyraý oblysynda bir otbasynyń jumbaq jaǵdaida joǵalyp ketkeni habarlanǵan edi. 25 jeltoqsanda Atyraý qalasynyń turǵyny politsiiaǵa aǵasy men onyń otbasy bir aidan astam ýaqyt boiy bailanysqa shyqpaǵany týraly aryzben júgingen.
Qazirgi tańda joǵalyp ketken azamattarǵa izdeý jariialanǵan. Atyraý oblysy politsiia departamenti taratqan baǵdarlamaǵa sáikes, tómendegi tulǵalar izdestirilýde:
1959 jyly týǵan Qarabalin Maqsot Muqanǵaliuly;
1961 jyly týǵan Óteshqalieva Násip Baqytqyzy;
1990 jyly týǵan Qarabalina Miramgúl Maqsotqyzy;
1993 jyly týǵan Muqanǵaliev Naýryz Maqsotuly.
