Atyraýda jeke turǵyn úide jylý qazandyǵy jaryldy. Úsh adam aýrýhanaǵa jatqyzyldy, dep habarlaidy QazAqparat.
Oblystyq tótenshe jaǵdailar departamentiniń baspasóz qyzmetinen málim etkendei, jarylys búgin, 10 qarashada túngi saǵat 1:24-te bolǵan.
«Atyraý qalasynyń Balaýsa shaǵyn aýdanyndaǵy №24 kóshede ornalasqan jeke turǵyn úide tabiǵi gazben jylytý qazandyǵynda gaz-aýa qospasynyń jarylysy boldy. Jarylystyń saldarynan jalpy kólemi 120 sharshy metr bolatyn turǵyn úi otqa orandy. Turǵyn úidiń tóbe jabyndysy men bólmeleri tolyqtai órtenip ketti. Órt saǵat 2:15-te oqshaýlanyp, saǵat 2:40-ta óshirildi» -dep habarlady departamenttiń baspasóz qyzmeti.
Jalynnyń saldarynan 3 adam – 19 jastaǵy eki jigi pen 22 jastaǵy boijetken zardap shegip, oblystyq aýrýhanaǵa jatqyzyldy. Órtti sóndirýge departamenttiń qutqarý qyzmetinen 16 qyzmetker men 6 tehnika, jedel járdem brigadasy 9 adam men 3 tehnika, oblystyq politsiia departamentinen 8 adam jáne 3 tehnika jumyldyryldy.
