اتىراۋدا جەكە تۇرعىن ٷيدە جىلۋ قازاندىعى جارىلدى. ٷش ادام اۋرۋحاناعا جاتقىزىلدى, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, جارىلىس بٷگٸن, 10 قاراشادا تٷنگٸ ساعات 1:24-تە بولعان.
«اتىراۋ قالاسىنىڭ بالاۋسا شاعىن اۋدانىنداعى №24 كٶشەدە ورنالاسقان جەكە تۇرعىن ٷيدە تابيعي گازبەن جىلىتۋ قازاندىعىندا گاز-اۋا قوسپاسىنىڭ جارىلىسى بولدى. جارىلىستىڭ سالدارىنان جالپى كٶلەمٸ 120 شارشى مەتر بولاتىن تۇرعىن ٷي وتقا وراندى. تۇرعىن ٷيدٸڭ تٶبە جابىندىسى مەن بٶلمەلەرٸ تولىقتاي ٶرتەنٸپ كەتتٸ. ٶرت ساعات 2:15-تە وقشاۋلانىپ, ساعات 2:40-تا ٶشٸرٸلدٸ» -دەپ حابارلادى دەپارتامەنتتٸڭ باسپاسٶز قىزمەتٸ.
جالىننىڭ سالدارىنان 3 ادام – 19 جاستاعى ەكٸ جٸگٸ پەن 22 جاستاعى بويجەتكەن زارداپ شەگٸپ, وبلىستىق اۋرۋحاناعا جاتقىزىلدى. ٶرتتٸ سٶندٸرۋگە دەپارتامەنتتٸڭ قۇتقارۋ قىزمەتٸنەن 16 قىزمەتكەر مەن 6 تەحنيكا, جەدەل جەردەم بريگاداسى 9 ادام مەن 3 تەحنيكا, وبلىستىق پوليتسييا دەپارتامەنتٸنەن 8 ادام جەنە 3 تەحنيكا جۇمىلدىرىلدى.
