Atyraý oblysynda zeinetker nemeresimen serýendep júrip muzǵa qulap ketti, - dep habarlaidy Tengrinews.kz agenttigi.
Oblystyq Tótenshe jaǵdailar departamentiniń qoǵammen bailanys tobynan málim etkendei, oqiǵa 4 jeltoqsanda bolǵan.
"Departamenttiń dispetcherlik pýltine keshe, jergilikti ýaqytpen saǵat 20:49-da Atyraý qalasyndaǵy Jumysker aýylynyń tusynda Jaiyq ózeniniń muzy oiylyp, er adamnyń sýǵa batyp ketkeni jóninde shaqyrtý tústi. Oqiǵa ornyna jetken jedel-qutqarý jasaǵynyń súńgýiri saǵat 21:10-da Jaiyq ózenine batyp ketken 72 jastaǵy er adamnyń denesin taýyp, sýdan shyǵardy. Al 10 jastaǵy balany oqiǵa kýágerleri qutqaryp qalǵan", - dep habarlady departament ókili.
Izdestirý jumystaryna Atyraý oblysy Tótenshe jaǵdailar departamenti jedel-qutqarý jasaǵynyń úsh súńgýiri men bir tehnikasy jumyldyrylǵany habarlandy.
"Turǵyndarǵa aýa raiynyń qubylýyna bailanysty Jaiyq ózeninde muz áli qalyń emes ekendigin eskertemiz. Qazir ózen jaǵasynda muzdyń qalyńdyǵy nebári 3-4 sm quraidy. Ózenniń ortasynda muz áli qalyń emes. Muz ústine shyǵý ómirge qaýip tóndiredi", - dep málimdedi departamenttiń qoǵammen bailanys tobynan.
