اتىراۋ وبلىسىندا زەينەتكەر نەمەرەسٸمەن سەرۋەندەپ جٷرٸپ مۇزعا قۇلاپ كەتتٸ, - دەپ حابارلايدى Tengrinews.kz اگەنتتٸگٸ.
وبلىستىق تٶتەنشە جاعدايلار دەپارتامەنتٸنٸڭ قوعاممەن بايلانىس توبىنان مەلٸم ەتكەندەي, وقيعا 4 جەلتوقساندا بولعان.
"دەپارتامەنتتٸڭ ديسپەتچەرلٸك پۋلتٸنە كەشە, جەرگٸلٸكتٸ ۋاقىتپەن ساعات 20:49-دا اتىراۋ قالاسىنداعى جۇمىسكەر اۋىلىنىڭ تۇسىندا جايىق ٶزەنٸنٸڭ مۇزى ويىلىپ, ەر ادامنىڭ سۋعا باتىپ كەتكەنٸ جٶنٸندە شاقىرتۋ تٷستٸ. وقيعا ورنىنا جەتكەن جەدەل-قۇتقارۋ جاساعىنىڭ سٷڭگۋٸرٸ ساعات 21:10-دا جايىق ٶزەنٸنە باتىپ كەتكەن 72 جاستاعى ەر ادامنىڭ دەنەسٸن تاۋىپ, سۋدان شىعاردى. ال 10 جاستاعى بالانى وقيعا كۋەگەرلەرٸ قۇتقارىپ قالعان", - دەپ حابارلادى دەپارتامەنت ٶكٸلٸ.
ٸزدەستٸرۋ جۇمىستارىنا اتىراۋ وبلىسى تٶتەنشە جاعدايلار دەپارتامەنتٸ جەدەل-قۇتقارۋ جاساعىنىڭ ٷش سٷڭگۋٸرٸ مەن بٸر تەحنيكاسى جۇمىلدىرىلعانى حابارلاندى.
"تۇرعىندارعا اۋا رايىنىڭ قۇبىلۋىنا بايلانىستى جايىق ٶزەنٸندە مۇز ەلٸ قالىڭ ەمەس ەكەندٸگٸن ەسكەرتەمٸز. قازٸر ٶزەن جاعاسىندا مۇزدىڭ قالىڭدىعى نەبەرٸ 3-4 سم قۇرايدى. ٶزەننٸڭ ورتاسىندا مۇز ەلٸ قالىڭ ەمەس. مۇز ٷستٸنە شىعۋ ٶمٸرگە قاۋٸپ تٶندٸرەدٸ", - دەپ مەلٸمدەدٸ دەپارتامەنتتٸڭ قوعاممەن بايلانىس توبىنان.
