Atyraý oblysynyń qylmystyq ister jónindegi mamandandyrylǵan aýdanaralyq sotynda zańsyz kóshi-qon jolyn uiymdastyrǵan qazaqstandyq jáne reseilik bes azamatqa qatysty qylmystyq isti qarady, - dep habarlaidy "Ult aqparat" Atyraý oblystyq sotynyń baspasóz qyzmetine silteme jasap.
Olar 2015 jyldyń qazanynan 2016 jyldyń naýryz aiy aralyǵynda Aýǵanstan Islam Respýblikalarynyń azamattaryn tranzitpen Qazaqstan, ári qarai, Mýrmansk oblysyndaǵy "Soltústik marshrýt" - dep atalatyn Resei-Finliandiia shekarasy arqyly arqyly Resei jáne Eýropalyq Odaq elderine jetkizip otyrǵan.
Atyraý oblysynyń UQKD ókilderi shetel azamattaryn arnaiy jasaqtalǵan jospar boiynsha tasymaldaǵanyn jáne qylmystyq toptyń barlyq múshesiniń atqaratyn mindetteri naqty bólingenin anyqtaǵan. Shetel azamattaryn arnaiy tasymaldaý úshin olardy Qazaqstan-Resei shekarasyna jetkizetin taksi júrgizýshisin jaldaǵan. Qylmystyq toptyń basshysy R.J. jáne tergeýde anyqtalmaǵan Resei Federatsiiasy men Aýǵanstan Islam Respýblikasynyń azamattary bolǵan.
Sot úkimimen tórt sottalýshy Qazaqstan Respýblikasynyń Qylmystyq kodeksiniń 264-baby ("Transulttyq uiymdasqan topty qurý"), 394-babymen ("Zańsyz kóshi-qondy qylmystyq top arqyly jasaý") kináli dep tanyldy.
Atalǵan baptar boiynsha sottalýshy R.J.-ǵa túzeý koloniiasynyń qatań rejiminde 10 jylǵa bas bostandyǵynan aiyrý jazasy, qalǵan sottalýshylar A.T., K.K., O.M.-ǵa múlikterin tárkilene otyryp, túzeý koloniiasynyń jalpy rejimine 8 jyldan bas bostandyǵynan aiyrý jazasyn aldy.
Taksi júrgizýshisiniń rólindegi taǵy bir syibailas A.B.-ǵa adamdar tobynyń aldyn ala sóz bailasýy arqyly zańsyz kóshi-qondy uiymdastyrǵany úshin 3 jyl merzimge bas bostandyǵynan shekteý jazasy taǵaiyndaldy.
Sot úkimi zańdy kúshine engen joq.
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
