Atyraýda tokqa túsken balanyń ólimine qatysty túsinik berildi, dep habarlaidy QazAqparat.
Oblystyq politsiia departamentiniń baspasóz qyzmetinen málim etkendei, oqys oqiǵa 30 qazanda bolǵan.
Politsiiaǵa 1953 jylǵy azamatsha saǵat 15:00 shamasynda nemeresiniń tokqa túskeni jóninde habar bergen.
Keiin 10 jasar balanyń oinap júrip, tońazytqyshtyń artyna tyǵylǵany anyqtalǵan.
Sol kezde balany tok soqqan.
Tokqa túsip, kóz jumǵan balanyń ákesi jedel járdem kelgen kezde balanyń tiri bolǵanyn aityp, politsiiaǵa shaǵym bergen.
Ol jedel járdem brigadasynyń qoiǵan diagnozymen kelispegen.
«Balanyń anasynan 30 qazan saǵat 14.45-te shaqyrtý tústi. Brigada shaqyrtý túsken mekenjaiǵa ýaqytynda keldi. Balaǵa «jedel járdem kelgenge deiingi ólim» diagnozy qoiyldy. Reanimatsiialyq sharalar algoritm boiynsha kórsetildi. Tergeý júrip jatqan kezde brigada óz aýysymynda jumys isteidi», - dep málim etti Atyraý oblystyq jedel járdem stansasynyń baspasóz qyzmetinen.
