Búgin, 6 sáýirde Atyraý oblysynyń bas memlekettik sanitarlyq dárigeri Meiirjan Esimbaevtyń 2020 jylǵy 29 naýryzdaǵy «Atyraý oblysy aýmaǵynda qosymsha shekteý is-sharalaryn engizý týraly» qaýlysyna ózgerister engizildi, dep habarlaidy "Ult aqparat".
Atap aitqanda, tamaq ónimderin, mal sharýashylyǵy ónimderin, dári-dármekter, meditsinalyq quraldar, qurylys materialdary, janar-jaǵar mai materialdary jáne turǵyndardyń ómiri men óndiristik qajettilikterge qajetti basqa da materialdardy tasymaldaityn júk kólikteriniń Atyraýǵa kirýine jáne shyǵýyna ruqsat etiledi.
Oblystar men aýdandar arasynda resmi jáne beiresmi jeke tasymaldaýshylar men jolaýshylar tasymalyna, sondai-aq, Atyraý qalasynda resmi emes jeke tasymaldaýshylarmen jolaýshylar tasymalyna tyiym salynady.
Saǵat 21:00-den 06:00-ge deiin oblys jáne qala ákimdikteri, quqyq qorǵaý organdary, jedel jáne shuǵyl meditsinalyq kómek, sanitarlyq-epidemiologiialyq qyzmet, órt sóndirý, avariialyq-qutqarý jáne tótenshe jaǵdailar qyzmetkerlerin qospaǵanda, Atyraý qalasynda azamattar men kólik quraldarynyń qozǵalysyna tyiym salynady.
Strategiialyq óndiris obektilerine, bailanys quraldaryn qamtamasyz etetin – telekommýnikatsiia jumysshylaryna (resmi málimeti kórsetilgen anyqtama jáne jumys ornynan anyqtama usynǵan kezde) ruqsat etilmegen adamdarsyz jáne otbasy múshelerinsiz júrýge ruqsat etiledi.
Saýda-oiyn-saýyq ortalyqtary men bazarlar, azyq-túlik sýpermarketteri, azyq-túlik dúkenderi, janar-jaǵarmai beketterindegi saýda núkteleri, dárihanalar jáne qajetti taýarlardy satý jumysy saǵat 20:00-den 9:00-ge deiin toqtatylady.
Ekinshi deńgeili bank filialdarynyń, poshta bailanysy men jeke notariýstardyń jumys ýaqyty 09:00-den 17:00-ge deiin. Kezek kútý kezinde adamdar shoǵyrlanbas úshin dezinfektsiialyq is-sharalardy júrgizýmen jáne tótenshe jaǵdai rejimi kezinde qabyldanǵan ózge de sanitarlyq talaptardy saqtai otyryp, 3 adamǵa deiingi áleýmettik qashyqtyq (keminde 2 metr) qadaǵalanady.
Úi-jailardyń ishinde jáne irgeles aýmaqta, onyń ishinde bankomattar, kassalar men saýda núkteleriniń janynda uiymdastyrylmaǵan kezekterdiń bolýyna jol berilmeýi tiis. Karantin kezeńi men tótenshe jaǵdai kezinde saltanatty otbasylyq is-sharalardy (3 adamnan astam qonaq jinalýy múmkin týǵan kún, úilený toiy jáne t.b. jiyndar ) ótkizýge tyiym salynady.
Ainalma joldar arqyly ótý men Atyraý qalasyna ruqsatsyz kirý jáne shyǵý faktileriniń aldyn alý maqsatynda oblystyq politsiia departamentine QR Ulttyq gvardiiasynyń 5546 áskeri bólimimen birlesip avtomobil joldary men blok-posttardy kúzetý úshin mobildi toptar qurý tapsyryldy.
Sonymen qatar, Atyraý oblysy Qylmystyq-atqarý júiesi departamentiniń basshysyna sottyń úkimi zańdy kúshine engen tergeý izoliatoryna jaqyn ornalasqan qylmystyq atqarý oryndaryna konvoilar jiberý tapsyryldy. Sondai-aq, sanitarlyq-epidemiologiialyq normalardyń saqtalýynda qamtamasyz etýi tiis.
