بٷگٸن, 6 سەۋٸردە اتىراۋ وبلىسىنىڭ باس مەملەكەتتٸك سانيتارلىق دەرٸگەرٸ مەيٸرجان ەسٸمباەۆتىڭ 2020 جىلعى 29 ناۋرىزداعى «اتىراۋ وبلىسى اۋماعىندا قوسىمشا شەكتەۋ ٸس-شارالارىن ەنگٸزۋ تۋرالى» قاۋلىسىنا ٶزگەرٸستەر ەنگٸزٸلدٸ, دەپ حابارلايدى "ۇلت اقپارات".
اتاپ ايتقاندا, تاماق ٶنٸمدەرٸن, مال شارۋاشىلىعى ٶنٸمدەرٸن, دەرٸ-دەرمەكتەر, مەديتسينالىق قۇرالدار, قۇرىلىس ماتەريالدارى, جانار-جاعار ماي ماتەريالدارى جەنە تۇرعىنداردىڭ ٶمٸرٸ مەن ٶندٸرٸستٸك قاجەتتٸلٸكتەرگە قاجەتتٸ باسقا دا ماتەريالداردى تاسىمالدايتىن جٷك كٶلٸكتەرٸنٸڭ اتىراۋعا كٸرۋٸنە جەنە شىعۋىنا رۇقسات ەتٸلەدٸ.
وبلىستار مەن اۋداندار اراسىندا رەسمي جەنە بەيرەسمي جەكە تاسىمالداۋشىلار مەن جولاۋشىلار تاسىمالىنا, سونداي-اق, اتىراۋ قالاسىندا رەسمي ەمەس جەكە تاسىمالداۋشىلارمەن جولاۋشىلار تاسىمالىنا تىيىم سالىنادى.
ساعات 21:00-دەن 06:00-گە دەيٸن وبلىس جەنە قالا ەكٸمدٸكتەرٸ, قۇقىق قورعاۋ ورگاندارى, جەدەل جەنە شۇعىل مەديتسينالىق كٶمەك, سانيتارلىق-ەپيدەميولوگييالىق قىزمەت, ٶرت سٶندٸرۋ, اۆارييالىق-قۇتقارۋ جەنە تٶتەنشە جاعدايلار قىزمەتكەرلەرٸن قوسپاعاندا, اتىراۋ قالاسىندا ازاماتتار مەن كٶلٸك قۇرالدارىنىڭ قوزعالىسىنا تىيىم سالىنادى.
ستراتەگييالىق ٶندٸرٸس وبەكتٸلەرٸنە, بايلانىس قۇرالدارىن قامتاماسىز ەتەتٸن – تەلەكوممۋنيكاتسييا جۇمىسشىلارىنا (رەسمي مەلٸمەتٸ كٶرسەتٸلگەن انىقتاما جەنە جۇمىس ورنىنان انىقتاما ۇسىنعان كەزدە) رۇقسات ەتٸلمەگەن ادامدارسىز جەنە وتباسى مٷشەلەرٸنسٸز جٷرۋگە رۇقسات ەتٸلەدٸ.
ساۋدا-ويىن-ساۋىق ورتالىقتارى مەن بازارلار, ازىق-تٷلٸك سۋپەرماركەتتەرٸ, ازىق-تٷلٸك دٷكەندەرٸ, جانار-جاعارماي بەكەتتەرٸندەگٸ ساۋدا نٷكتەلەرٸ, دەرٸحانالار جەنە قاجەتتٸ تاۋارلاردى ساتۋ جۇمىسى ساعات 20:00-دەن 9:00-گە دەيٸن توقتاتىلادى.
ەكٸنشٸ دەڭگەيلٸ بانك فيليالدارىنىڭ, پوشتا بايلانىسى مەن جەكە نوتاريۋستاردىڭ جۇمىس ۋاقىتى 09:00-دەن 17:00-گە دەيٸن. كەزەك كٷتۋ كەزٸندە ادامدار شوعىرلانباس ٷشٸن دەزينفەكتسييالىق ٸس-شارالاردى جٷرگٸزۋمەن جەنە تٶتەنشە جاعداي رەجيمٸ كەزٸندە قابىلدانعان ٶزگە دە سانيتارلىق تالاپتاردى ساقتاي وتىرىپ, 3 ادامعا دەيٸنگٸ ەلەۋمەتتٸك قاشىقتىق (كەمٸندە 2 مەتر) قاداعالانادى.
ٷي-جايلاردىڭ ٸشٸندە جەنە ٸرگەلەس اۋماقتا, ونىڭ ٸشٸندە بانكوماتتار, كاسسالار مەن ساۋدا نٷكتەلەرٸنٸڭ جانىندا ۇيىمداستىرىلماعان كەزەكتەردٸڭ بولۋىنا جول بەرٸلمەۋٸ تيٸس. كارانتين كەزەڭٸ مەن تٶتەنشە جاعداي كەزٸندە سالتاناتتى وتباسىلىق ٸس-شارالاردى (3 ادامنان استام قوناق جينالۋى مٷمكٸن تۋعان كٷن, ٷيلەنۋ تويى جەنە ت.ب. جيىندار ) ٶتكٸزۋگە تىيىم سالىنادى.
اينالما جولدار ارقىلى ٶتۋ مەن اتىراۋ قالاسىنا رۇقساتسىز كٸرۋ جەنە شىعۋ فاكتٸلەرٸنٸڭ الدىن الۋ ماقساتىندا وبلىستىق پوليتسييا دەپارتامەنتٸنە قر ۇلتتىق گۆارديياسىنىڭ 5546 ەسكەري بٶلٸمٸمەن بٸرلەسٸپ اۆتوموبيل جولدارى مەن بلوك-پوستتاردى كٷزەتۋ ٷشٸن موبيلدٸ توپتار قۇرۋ تاپسىرىلدى.
سونىمەن قاتار, اتىراۋ وبلىسى قىلمىستىق-اتقارۋ جٷيەسٸ دەپارتامەنتٸنٸڭ باسشىسىنا سوتتىڭ ٷكٸمٸ زاڭدى كٷشٸنە ەنگەن تەرگەۋ يزولياتورىنا جاقىن ورنالاسقان قىلمىستىق اتقارۋ ورىندارىنا كونۆويلار جٸبەرۋ تاپسىرىلدى. سونداي-اق, سانيتارلىق-ەپيدەميولوگييالىق نورمالاردىڭ ساقتالۋىندا قامتاماسىز ەتۋٸ تيٸس.
