Atyraýda órt shyqqan "Gaýhartas" turǵyn úi kesheni turǵyndary órtsóndirýshilerdi salǵyrttyq tanytty dep aiyptady. Turǵyndar aitýynsha, olar órt ornynan erte ketken, - dep habarlaidy Tengrinews.kz tilshisi "KTK" arnasyna silteme jasap.
Atyraýdaǵy "Gaýhartas" kesheninde segiz úi órtengen. Órt sóndirýge 50 adam qatysty. Órt eki saǵattan keiin, biraz páter órtenip ketkennen keiin toqtatylǵan. Zardap shekkender jergilikti TJD qyzmetkerlerin oqiǵa ornynan erte ketti dep aiyptaidy.
"Biz órtsóndirýshilerden shatyrdy qaraýyn suradyq. Olar bizdi tyńdamai, birden ketip qaldy. Osynyń kesirinen bir-eki saǵattan keiin órt qaita órshidi", - deidi turǵyn Aigúl Ótepova.
