Atyraý oblysynyń ákimi órtten kóz jumǵan úsh balanyń ata-anasyna materialdyq kómek beriletinin aitty, dep habarlaidy QazAqparat.
Budan buryn Atyraý oblysynda pishen órtenip, oqiǵa ornynda úsh balanyń denesi tabylǵanyn, keiin sotqa deiingi tergeý bastalǵanyn jazǵan bolatynbyz.
Óńir basshysy Mahambet Dosmuhambetov jantúrshigerlik oqiǵaǵa qatysty balalardyń ata-anasyna kóńil aityp, materialdyq kómek beriletinin málim etti.
«Mahambet aýdany, Ortaqshyl aýylynda bolǵan qaiǵyly jaǵdaiǵa bailanysty qaza bolǵan búldirshinderdiń otbasyna qaiǵyryp kóńil aitamyn. Bul – tutas halyq aýyr jaǵdaida qabyldap otyrǵan qasiret. Qaza bolǵan balalardyń otbasylaryna Atyraý oblysynyń ákimdigi tarapynan materialdyq kómek kórsetiletin bolady», - dedi oblys ákimi.
