اتىراۋ وبلىسىنىڭ ەكٸمٸ ٶرتتەن كٶز جۇمعان ٷش بالانىڭ اتا-اناسىنا ماتەريالدىق كٶمەك بەرٸلەتٸنٸن ايتتى, دەپ حابارلايدى قازاقپارات.
بۇدان بۇرىن اتىراۋ وبلىسىندا پٸشەن ٶرتەنٸپ, وقيعا ورنىندا ٷش بالانىڭ دەنەسٸ تابىلعانىن, كەيٸن سوتقا دەيٸنگٸ تەرگەۋ باستالعانىن جازعان بولاتىنبىز.
ٶڭٸر باسشىسى ماحامبەت دوسمۇحامبەتوۆ جانتٷرشٸگەرلٸك وقيعاعا قاتىستى بالالاردىڭ اتا-اناسىنا كٶڭٸل ايتىپ, ماتەريالدىق كٶمەك بەرٸلەتٸنٸن مەلٸم ەتتٸ.
«ماحامبەت اۋدانى, ورتاقشىل اۋىلىندا بولعان قايعىلى جاعدايعا بايلانىستى قازا بولعان بٷلدٸرشٸندەردٸڭ وتباسىنا قايعىرىپ كٶڭٸل ايتامىن. بۇل – تۇتاس حالىق اۋىر جاعدايدا قابىلداپ وتىرعان قاسٸرەت. قازا بولعان بالالاردىڭ وتباسىلارىنا اتىراۋ وبلىسىنىڭ ەكٸمدٸگٸ تاراپىنان ماتەريالدىق كٶمەك كٶرسەتٸلەتٸن بولادى», - دەدٸ وبلىس ەكٸمٸ.
