Atyraýda NCOC qyzmetkerinen koronavirýs tabyldy, dep habarlaidy "Ult aqparat".
Jergilikti «Aqjaiyq» gazetiniń jazýynsha, kompaniianyń «Vest Oil» bazasyndaǵy qyzmetkerleriniń biri qaýipti indetti juqtyrǵan.
«NCOC aýtsorsing nysandarynyń birinde jumys isteitin kompaniia qyzmetkerinen COVID-19 synamasy oń nátije kórsetkenin rastaimyz. Bul nysan óndiristik alańdar men kompaniia keńselerinen qashyqta ornalasqan. Qyzmetker hattamaǵa sáikes oqshaýlandy. Jaqyn bailanysta bolǵan adamdardyń barlyǵy dereý anyqtaldy. Olardyń barlyǵy PTR synamasynan ótedi. Bul qyzmetker óndiristik nemese keńse qyzmetkerlerimen bailanysta bolmaǵan. Biz jaǵdaidy muqiiat qadaǵalap otyrmyz», - dep habarlady kompaniianyń baspasóz qyzmetinen.
